ވަގުތީ ގޮތުން ހަނިމާދޫ އިންޓަނޭޝަނަލް އެއާޕޯޓް ބަންދުކޮށްފިއެވެ.
ހަނިމާދޫ އެއާޕޯޓް ހިންގާ ރީޖަނަލް އެއާޕޯޓްގެ އޮފިޝަލަކާއި ހަވާލާދީ ރާއްޖޭގެ އޮންލައިން ނޫހެއް ކަމަށް ވަގުތު ނޫހުން ރިޕޯޓް ކޮށްފައިވާ ގޮތުގައި ހަނިމާދޫ އެއާޕޯޓް ބަންދުކޮށްފައި ވަނީ ފަޔާ ލޮރީއަކަށް މައްސަލައެއް ދިމާވެގެން ކަމަށާއި މިމައްސަލަ މިރޭ ހައްލު ކުރެނޭ ކަމަށެވެ.
ހަނިމަދޫ އެއާޕޯޓަށް ދަތުރުކުރާ މޯލްޑިވިއަން އެއާލައިނުން ބުނެފައިވާ ގޮތުގައި މާދަމާ ހެނދުނު 6:00 އާ ހަމައަށް އެ އެއާޕޯޓަށް ޝެޑިއުލްކޮށްފައިވާ ހުރިހާ ދަތުރުތައް އޮޕަރޭޓް ކުރާނީ ކުޅުދުއްފުށި އެއާޕޯޓުން ކަމަށެވެ.
މީގެއިތުރުން، މިރެއަށް ޝެޑިއުލްކޮށްފައި އޮތް ހަނިމާދޫ/ޓްރިވިންޑްރަމް ފްލައިޓް ދަތުރުކުރުމަށް ހަމަޖެހިފައި ވަނީ މާދަމާ ކަމަށް ވެސް މޯލްޑިވިއަން އިން ބުނެފައިވެ އެވެ.
