ދިވެހި ފުލުހުންގެ ޚިދުމަތުގެ އިކޮނޮމިކް ކްރައިމް އިންވެސްޓިގޭޝަންސް ޑިޕާޓްމަންޓުން ތަޙުޤީޤު ކުރާ މައްސަލައަކާ ގުޅިގެން 3 މީހަކު ހޯދުމަށް ފުލުހުން ވީޑިއޯ އާންމުކޮށްފިއެވެ.
ފުލުހުން އިއްޔެ ހާމަކޮށްފައިވާ ގޮތުގައި އެ ވީޑިއޯއިން ފެންނަ މީހުންނަކީ މަކަރާއި ހީލަތުގެ މައްސަލައަކާ ގުޅިގެން ހޯދަމުންދާ ބަޔެކެވެ. އެ މީހުންނަކީ ކޮން ބައެއްކަން މިހާތަނަށް ދެނެގަނެވިފައިނުވާކަމަށް ވެސް ފުލުހުން ބުނެފައިވެއެވެ.
މި މައްސަލައާ ގުޅިގެން ފުލުހުން ޔޫޓިއުބުގައި އާންމު ކުރި ސީސީޓީވީ ފުޓޭޖް ވީޑިއޯއިން 2 ފިރިހެނަކު ފިހާރައެއްގެ ތެރޭގައި ހަރަކާތްތެރިވާ މަންޒަރު ފެނެއެވެ. އޭގެ ތެރެއިން އެކެއްގެ މޫނު ވަރަށް ރީތިކޮށް ވީޑިއޯއިން ފެނެއެވެ. އަދި އެ މީހުންގެ ކައިރީގައި 3 ވަނަ މީހަކު ހަރަކާތްތެރިވާ މަންޒަރު ވެސް ފަހުން ފެނެއެވެ.
ވީޑިއޯއިން ފެންނަ ފަރާތްތަކާ ގުޅޭ މައުލޫމާތު އެނގޭ ފަރާތްތަކުން ލަސްނުކުރައްވާ އިކޮނޮމިކް ކްރައިމް އިންވެސްޓިގޭޝަންގެ ނަންބަރު 9790048 އަށް ނުވަތަ ފުލުހުންގެ ޚިދުމަތުގެ ނަމްވަރު 3322111 ގުޅުއްވައި އެ މައުލޫމާތު ފުލުހުންނާ ހިއްސާކުރެއްވުމަށް ފުލުހުން ވަނީ އެދިފައެވެ.
