މިއަދު އަމަލުކުރަން ފެށި ކާބޯތަކެތީގެ ރައްކާތެރިކަމުގެ ގާނޫނުގެ ދަށުން، “މޯލްޑިވްސް ފުޑް އެންޑް ޑްރަގް އޮތޯރިޓީ” ގެ ނަމުގައި ވަކި އިދާރާއެއް ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މިއަދު އަލުން ގާއިމުކުރައްވައިފިއެވެ.
މުޅިން އައު އަދި ބޮޑެތި ބާރުތަކަކާއެކު މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އަލުން އުފައްދައިފައިވަނީ، މިއަދު އަމަލުކުރަން ފެށި ކާބޯތަކެތީގެ ރައްކާތެރިކަމުގެ ގާނޫނުގައި އެ ނަމުގައި އިދާރާއެއް ހުންނަންވާނެ ކަމަށް ބުނެފައިވާތީއެވެ.
ރައީސް އޮފީހުން ވިދާޅުވި ގޮތުގައި އަލަށް ގާއިމްކުރެވުނު މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ގެ ނަމްބަރެއްގެ ގޮތުގައި ދައުލަތުގެ އިދާރާތަކުން ބޭނުން ކުރަމުން ގެންދާނީ ކުރިންވެސް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އަށް ބޭނުން ކުރަމުން ގެންދިޔަ ނަމްބަރުކަމުގައެވެ.
މި އިދާރާއަކީ މިނިސްޓްރީ އޮފް ހެލްތުގެ ދަށުން ހިންގަމުންދާ ތަނެއްގެ ގޮތުގައިވެސް ރައީސް ވަނީ ހަމަޖައްސަވާފައެވެ.
