ރައީސް ޑރ. މުހައްމަދު މުއިއްޒުގެ ކްރިމިނަލް ޖަސްޓިސް އެޑްވައިޒަރަކަށް ހުންނެވި މުހުތާޒް މުހުސިން ފޮރިން މިނިސްޓްރީގެ ސްޓޭޓް މިނިސްޓަރަކަށް އައްޔަން ކުރައްވައިފިއެވެ.
ކުރީގެ ޕްރޮސިކިއުޓާ ޖެނެރަލް އަދި ރައީސް ޑރ. މުޢިއްޒުގެ ކްރިމިނަލް ޖަސްޓިސް އެޑްވައިޒަރެއްގެ މަގާމުގައި ހުންނެވި މުހުތާޒު މުހުސިން ފޮރިން މިނިސްޓްރީގެ ސްޓޭޓް މިނިސްޓަރެއްގެ މަގާމަށް އައްޔަންކުރައްވާފަ އެވެ.
މުހުތާޒް ފޮރިން މިނިސްޓްރީގެ ސްޓޭޓް މިނިސްޓަރުގެ މަގާމަށް އައްޔަން ކޮށްފައި ވަނީ ޕީޖީގެ މަގާމަށް އަލުން އައްޔަން ކުރަން އުޅޭ ކަމުގެ އަޑު ފެތުރިފައި ވަނިކޮށެވެ.
މުހުތާޒު ވަނީ ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމު ޕީޖީގެ މަގާމުގައި ފުރުއްވާފަ އެވެ.
ރައީސް ޑރ. މުޢިއްޒުގެ ކްރިމިނަލް ޖަސްޓިސް އެޑްވައިޒަރުގެ މަގާމަށް މުހުތާޒު އައްޔަން ކޮށްފައި ވަނީ މިދިޔަ ޖެނުއަރީ މަހުގައެވެ. އޭނާ ވަނީ ނިމިދިޔަ ރައްޔިތުންގެ މަޖިލިހުގެ އިންތިހާބުގައި ޕީޕީއެމް/ޕީއެންސީގެ ޕްރައިމަރީގައި ދަނގެތި ދާއިރާ އަށް ވެސް ވާދަކުރައްވާފައެވެ. އެހެންނަމަވެސް އެޕްރައިމަރީ ކާމިޔާބު ކުރެއްވޭ ގޮތެއް ނުވިއެވެ.
