ބަންދުގައި ބަހައްޓައިގެން ކޯޓަށް ހާޒިރުކުރުމަށް ހޯދަމުންދާ ދިވެހި ޒުވާނެއްގެ ވަނަވަރު ފުލުހުން އާންމުކޮށްފިއެވެ.
ކްރިމިނަލް ކޯޓުގެ އަމުރަކާ ގުޅިގެން ފުލުހުން ހޯދަމުންދަނީ ގދ. ވާދޫ، ޞަބާހީމާންޒިލްއަށް ނިސްބަތްވާ އުމުރުން 25 އަހަރުގެ އިޒާމް ޒާހިރު ކިޔާ ދިވެހި ފިރިހެނެކެވެ.
ފުލުހުން އިއްޔެ ހާމަކޮށްފައިވާ ގޮތުގައި މި ޒުވާނާ ހޯދުމަށް ފުލުހުންނަށް ކްރިމިނަލް ކޯޓުން އަމުރު ކޮށްފައިވަނީ ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން އެ ކޯޓަށް ހާޒިރުކުރަން ބޭނުންވެ ހާޒިރުކުރެވިފައިނުވާތީއެވެ. އެހެންކަމުން ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކްރިމިނަލް ކޯޓުން ވަނީ އަމުރުކޮށްފައެވެ.
އިޒާމް ޒާހިރާ ބެހޭ އެއްވެސް މައުލޫމާތެއް އެނގޭ ފަރާތެއް ހުރި ނަމަ ފުލުހުންނަށް އެންގުމަށް ފުލުހުން ވަނީ އިލްތިމާސްކޮށްފައެވެ. އެގޮތުން ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި މައުލޫމާތު ހިއްސާކުރެއްވުމަށް ފުލުހުން ވަނީ އެދިފައެވެ.
