ޕްރޮސެކިއުޓާ ޖެނެރަލް (ޕީޖީ)ގެ މަގާމުގައި ކުރިން ހުންނެވި ހުސައިން ޝަމީމް، އެ މަޤާމުގައި ހުންނަވަނިކޮށް އެ މަނިކުފާނަށް މަރުތޭލަކުން ހަމަލާދިން މައްސަލައިގައި ހިމެނޭ މީހުންނަށް ދައުވާ ކުރުމަށް ކްރިމިނަލް ކޯޓަށް ފޮނުވައިފިއެވެ.
މިއަހަރުގެ ޖެނުއަރީމަހުގެ 31 ވަނަ ދުވަހުގެ 07:42ށް ހާއިރު ނޫރު މިސްކިތް ކައިރީ މަގުމަތީގައި ހުއްޓައި ޝަމީމަށް ހަމާދިން މައްސަލައިގައި 7 މީހަކު ވަނީ ހައްޔަރުކޮށްފައެވެ.
އެގޮތުން މި މައްސަލައިގެ ތަހުގީގު ނިންމުމަށްފަހު ހައްޔަރު ކުރި 7 މީހުންނަށްވެސް ދައުވާ ކުރުމަށް މިދިޔަ އާދިއްތަ ދުވަހު ޕީޖީ އޮފީހަށް ވަނީ ފޮނުވައިފައެވެ.
ކުރީގެ ޕީޖީ ޝަމީމަށް ހަމަލާދިން މައްސަލައިގައި ހައްޔަރުކޮށް ދައުވާ ކުރުމަށް ފޮނުވި މީހުން:
- މި މައްސަލައިގައި ހިމެނޭ ރ. އަލިފުށި، ރިވެލި، މިދުޙަތު އާދަމް
- ލ. ގަން، ތުނޑި، ޖަވާހިރުވިލާ، މުޙައްމަދު ޖަޒްލާން
- ދަފްތަރު ނަންބަރު ދރ 2247، އަޙްމަދު މައިސާން ހާޝިމް
- ލ. މާމެންދޫ، މުރިނގު، ރަޖުވާން ލަޠީފް
- ތ. ގާދިއްފުށި، މުސްތަރީގެ، ޝަމާލް ޙުސައިން
- ތ. ދިޔަމިގިލި، ރުވާ، އަބާން ޢަބްދުލްހަންނާނު
- އދ. މާމިގިލި، ކެމީހިޔާ، ޒަޔާން ނަޞީރު
މި މީހުންގެ މައްޗަށް ދައުލަތުން ކުރަނީ، ނުރައްކާތެރި ހަތިޔާރެއް ބޭނުންކޮށްގެން ގަސްދުގައި މީހަކު މަރާލަން އުޅުނު ކަމުގެ ކުށުގެ ދައުވާއެވެ.
