ހުޅުމާލޭގެ ދެވަނަ ފިޔަވަހީގައި ސާފުތާހިރުކަމުގެ މިންގަނޑާ ޚިލާފަށް ހިންގާ 6 ކެފޭއެއް ބަންދުކުރަން އަންގާ، މޯލްޑިވްސް އިމިގްރޭޝަނުން އެ ފަރާތްތަކަށް ނޯޓިސްދީފިއެވެ.
އިމިގްރޭޝަނުން ހާމަކޮށްފައިވާ ގޮތުގައި އޯގަސްޓް 22 ވަނަ ދުވަހު އިމިގްރޭޝަންގެ ޓާސްކްފޯހުން ވަނީ ހުޅުމާލޭގެ ދެވަނަ ފިޔަވަހީގައި ހިންގާ 8 ކެފޭއެއް ބަލައި ފާސްކޮށްފައެވެ. އެ އޮޕަރޭޝަންގައި އެޗްޕީއޭއާއި މޯލްޑިވްސް ފުޑް އެންޑް ޑްރަގް އޮތޯރިޓީގެ އިތުރުން އިޤްތިޞާދީ ތަރައްޤީއާ ބެހޭ ވުޒާރާއިން ބައިވެރިވެ، އެ ތަންތަން އިންސްޕެކްޓް ކުރުމުގައި އަމަލީ ގޮތުން ހަރަކާތްތެރިވެފައިވާކަމަށް އިމިގްރޭޝަނުން ބުނެފައިވެއެވެ.
މި އޮޕަރޭޝަންގައި ސާފުތާހިރުކަމުގެ މިންގަނޑާ ޚިލާފަށް ހިންގާ 06 ކެފޭއެއް ބަންދު ކުރުމަށް ނޯޓިސްދިނުމުގެ އިތުރުން އެ ތަންތަނުގައި މަސައްކަތްކުރަމުން ދިޔަ ޞައްހަ ވިސާ ނެތް 04 ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންދެވިފައިވާކަމަށް ވެސް އިމިގްރޭޝަނުން ބުނެފައިވެއެވެ.
