ޤަވާއިދާއި ޚިލާފަށް ރާއްޖެ އެތެރެވެގެން އުޅޭ ބިދޭސީންނާއި އުސޫލުން ބޭރުން ރާއްޖޭގައި ވިޔަފާރީތައް ހިންގަމުން އަންނަ ބިދޭސީންގެ މައްސަލަ ހައްލުކުރުމުގެ ގޮތުން އިމިގްރޭޝަނާއި ފުލުހުން ގުޅިގެން ހިންގަމުން އަންނަ ބޮޑު އޮޕަރޭޝަންގެ ތެރެއިން އިތުރު ބިދޭސީންތަކެއް އަނެއްކާވެސް ހައްޔަރުކޮށްފިއެވެ.
އިމިގްރޭޝަނުން ވިދާޅުވީ، އެއްވެސް ސާފުތާހިރުކަމެއް ނެތި ޤަވާއިދާއި ޚިލާފަށް ކާބޯތަކެތި ތައްޔާރުކުރާކަމަށް ލިބުނު ރިޕޯޓަކާއި ގުޅިގެން އެތަން ބަލައި ފާސްކޮށް 15 މީހަކު ހައްޔަރުކޮށްފައިވާކަމަށެވެ.
https://x.com/ImmigrationMV/status/1827962231969243482
އެގޮތުން މި މީހުން ހައްޔަރުކޮށްފައި ވަނީ މިދިޔަ ހޮނިހިރު ދުވަހު ހ.ބިއަންކާ، ބަލައި ފާސްކޮށް ހިންގުނު އޮޕަރޭޝަނުގައިކަމަށްވެސް އެ އިދާރާއިން ވިދާޅުވެއެވެ.
މީހެ އިތުރުން އެތަނުގައި ކުރަމުން ދިޔަ ވިޔަފާރި ހުއްޓުވުމަށް ނޯޓިސް ދީފައިވާ ކަމަށްވެސް އިމިގްރޭޝަނުން ވިދާޅުވެފައި ވެއެވެ.
އިމިގްރޭޝަނުން މި ރެއިޑް ކުރިއަށް ދިޔަ ތަނުގައި ރިހަތަކެއް ކައްކަމުންދާ ފޮޓޯތަކެއް އާއްމުކޮށްފައި ވެއެވެ. އަދި ސާފުތާހިރު ނޫން ކޮށް ހުރި ފާހަނައެއްވެސް ދައްކާލާފައިވާއިރު، ސިންކުވެސް ހުރީ ވަރަށް ހަޑިކޮށްކަންވެސް ފާހަގަކޮށްލެވެއެވެ.
ގަވާއިދާއި ހިލާފަށް އުޅެމުންދާ ބިދޭސީންގެ މައްސަލައަށް ދާއިމީ ހައްލެއް ހޯދުމަށް ކުރަމުންދާ މަސައްކަތް ކުރަމުންދާ ޓާސްކް ފޯސްގައި އިމިގްރޭޝަން އާއި ފުލުހުންގެ އިތުުރުން ސިއްހީ ވުޒާރާ އާއި އިޤުތިޞާދީ ތަރައްޤީއާއި ވިޔަފާރިއާ ބެހޭ ވުޒާރާވެސް ހިމެނެއެވެ.
