ޑްރަގް ކޯޓުން ވައްކަން ކޮށްފިއެވެ.
ޑްރަގް ކޯޓުން މީޑިއާތަކަށް ފޮނުވި މެސެޖެއްގައި ބުނެފައި ވަނީ ރޭގެ ދަންވަރުގެ ވަގުތެއްގައި އެކޯޓުން ވައްކަން ކޮށްފައިވާ ކަމަށާއި އޭނާ ކޯޓަށް ވަދެފައި ވަނީ ކޯޓާ އިންވެގެން ހުންނަ ގެތަކާއި ކޯޓާއި ދެމެދު އޮންނަ ގޯޅީގައި ހުރި ޝަރީއަތް ކުރާ މާލަމެއްގެ ކުޑަދޮރު ހަލާކުކޮށްލައިގެން ކަމަށެވެ.
ކޯޓުން ހާމަކޮށްފައިވާ ގޮތުގައި ވައްކަން ކުރި މީހާ ވަނީ ކޯޓުގެ ތަޅުލާފައިވާ ބައެއް ކަބަޑުތައް ފަޅާލައި، ކޯޓުގެ ރެކްރިއޭޝަން ކްލަބުގެ ބައެއް ފައިސާ ވަގަށް ނަގާފައެވެ.
ފުލުހުންނަށް މިމައްސަލަ ތަހުގީގު ކުރުމަށް ހުށަހަޅާފައިވާ ކަމަށް ވެސް ކޯޓުން ބުނެފައިވެއެވެ.
މީގެ ކުރިން 2022 ވަނަ އަހަރުގެ ތެރޭގައި ވެސް ޑްރަގް ކޯޓުން ވަނީ ވައްކަން ކޮށްފައެވެ.
