ބިލަބޮންގް އިންޓަނޭޝަނަލް ހައި ސްކޫލުން ވައްކަން ކުރި މައްސަލައެއް ފުލުހުން ބަލަން ފަށައިފި އެވެ.
މިމައްސަލަ އާއި ގުޅިގެން ފުލުހުން ބުނެފައި ވަނީ ރޭގެ ވަގުތެއްގައި ބިލަބޮން ހައި އިންޓަނޭޝަނަލް ސްކޫލުން ވައްކަން ކޮށްފައިވާ މައްސަލަ ރިޕޯޓްކޮށްފައިވާ ކަމަށެވެ.
މީގެއިތުރުން، މިމައްސަލަ އާއި ގުޅިގެން ތަކެތި ހޯދުމަށް ސީސީޓީވީ ފުޓޭޖު ބަލައި ދެނެގަނެ، ފުލުހުން ކުރި މަސައްކަތުން ވަގަށް ނެގި ތަކެތި ވަނީ ހޯދާފައިވާ ކަމަށް ވެސް ފުލުހުން ބުނެފައިވެއެވެ. އެގޮތުން ސްކޫލުން ވަގަށް ނަގާފައި ވަނީ ދެ ލެޕްޓޮޕް ކަމަށާއި ލެޕްޓޮޕްތައް ހޯދާފައި ވަނީ ވިއްކާލާފައި ވަނިކޮށް މިރޭގެ ވަގުތެއްގައި ކަމަށް ވެސް ފުލުހުން ބުނެފައިވެ އެވެ.
މިމައްސަލަ އާއި ގުޅިގެން އަދި މިހާތަނަށް މީހަކު ހައްޔަރު ކޮށްފައި ނުވާކަމަށާއި މިމައްސަލަ ތަހުގީގު ކުރަމުންދާ ކަމަށް ފުލުހުން ބުނެފައިވެ އެވެ.
ރޭގެ ވަގުތެއްގައި ބިލަބޮންގް ސްކޫލުން ވައްކަންކޮށްފައިވާއިރު، ޑްރަގް ކޯޓުން ވަނީ ރޭގެ ދަންވަރުގެ ވަގުތެއްގައި އެކޯޓުން ވެސް ވައްކަން ކޮށްފައިވާ ކަމަށް ބުނެފައެވެ.
