ސްޓެލްކޯގެ ނަމުގައި އެ ކުންފުނީގެ ކަސްޓަމަރުންނަށް ސެކޭމް ކޯލްތަކެއް ކުރަމުން އަންނަ މައްސަލަތަކެއް ފެންމަތިވެފައިވާކަމަށް އެ ކުންފުނިން ވިދާޅުވެއްޖެއެވެ.
ސްޓެލްކޯގެ މެނޭޖިންގ ޑިރެކްޓަރު ހުސައިން ފަހުމީ ކުރެއްވި ޕޯސްޓެއްގައި ވިދާޅުވީ، މި ސްކޭމް ކޯލްތައް ކުރަމުން އަންނަނީ އެ ކުންފުނީގެ އޮފިޝަލުން ކަމަށްބުނެކަމަށްކަން ފާހަގަކުރެވިފައިވާކަމަށެވެ.
އަދި އެގޮތަށް ގުޅާ ފަރާތްތަކުން ކަސްޓަމަރުންނަށް ނުބައި މައުލޫމާތު ދީ އޮޅުވާލުމުގެ މަސައްކަތް ކުރަމުންދާ ކަމަށްވެސް ފަހުމީ ވިދާޅުވިއެވެ.
https://x.com/HussainFahmy09/status/1830126559854027033?t=iUs55Pq0VCHd7HZ0JeN0sA&s=19
ވުމާއެކު ފަހުމީ ވަނީ މިފަދަ ކޯލްތަކަށް އެ ކުންފުނީގެ ކަސްޓަމަރުން ސަމާލުވެލެއްވުމަށް އިލްތިމާސް ކުރައްވައިފައެވެ.
ފަހުމީ ވިދާޅުވީ ސްޓެލްކޯއިން އެއްވެސް މީހެއް ޒާތީ މައުލޫމާތެއް އަދި މާލީ މައުލޫމާތެއް ފޯނުން ގުޅައިގެން އޮޅުން ނުފިލުވާނެ ކަމަށެވެ. އަދި އެކަހަލަ ފޯން ކޯލެއް އަތުވެއްޖެނަމަ އެއްވެސް މައުލޫމާތެއް ނުދިނުމަށާއި ވަގުތުން ފޯނު ކަނޑާލުމަށް ވެސް ފަހުމީ ވަނީ އެދިވަޑައިގެންފައެވެ.
