މީގެ ދެދުވަސް ކުރިން މާލޭގެ ތިން އޮފީހެއް ފަޅާލައި ސުންނާފަތިކޮށްލި މައްސަލައިގައި މީހަކު ހައްޔަރުކޮށްފިއެވެ.
ފުލުހުން ވިދާޅުވީ، އިނާ މޯލްޑިވްސްގެ އައިލެންޑް ޗޮއިސް، އޭސް ޓްރެވަލަސް އަދި ގަތަރު ކާގޯ އޮފީހަށް ގެއްލުންދިން މައްސަލައިގެ ތުހުމަތުގައި ރ. މީދޫ، ބުލްބުލާގެ 40 އަހަރުގެ އަޒްމީލް މުހައްމަދު ހައްޔަރުކޮށްފައިވާކަމަށެވެ.
އެގޮތުން އޭނާ ހައްޔަރުކޮށްފައިވަނީ ކޯޓު އަމުރެއްގެ ދަށުން ރޭ ދަންވަރުގެ ވަގުތެއްގައި ކަމަށްވެސް ފުލުހުން ވަނީ ވިދާޅުވެފައެވެ.
އިނާ މޯލްޑިވްސްގެ އޮފީސްތައް ގެއްލުންދިން މައްސަލައިގައި އެ ކުންފުނީގެ މެނޭޖިން ޑިރެކްޓަރު މުހައްމަދު ފިރާގް ފޭސްބުކްގައި ކުރެއްވި ޕޯސްޓެއްގައި ވަނީ، ވައްކަން ކުރަން ވަން މީހުންނަށް އެ އޮފީސްތަކުން ބޭނުންތެރި އެއްޗެއް ނުފެނުމުން އެތާގެ އެތެރޭގައި ހުރި ތަކެތި ހަލާކޮށް ސުންނާފަތިކުރި ކަމަށެވެ.
