ރައީސް އިބްރާހީމް މުހައްމަދު ޞާލިޙްގެ ސަރުކާރުން ފެށި ބިންވެރިޔާ ސްކީމުގެ ދަށުން ދީފައިވާ ގޯތިތަކުގެ ތެރެއިން އިތުރު 23 ގޯތި ދޫކޮށްފިއެވެ.
ހައުސިން މިނިސްޓްރީން މިއަދު ވިދާޅުވީ، ބިންވެރިޔާ ސްކީމުގެ ދަށުން ދޫކުރި 23 ގޯތީގެ ތެރޭގައި ހިމެނެނީ މިދިޔަ ބުރާސްފަތި ދުވަހު ދޫކުރި 13 ގޯއްޗާއި އިއްޔެ ހަވާލުކުރި 10 ގޯއްޗެވެ.
މި 23 ގޯތި ދޫކުރެވުމުން ބިންވެރިޔާ ސްކީމުގެ ދަށުން ހުޅުމާލެއިން ދޫކުރަން ޖެހޭ 1،408 ގޯތީގެ ތެރެއިން މިހާތަނަށް ޖުމުލަ 648 ގޯތި ހަވާލުކުރެވިފައިވާކަމަށް އެ މިނިސްޓްރީން ވިދާޅުވެއެވެ. އަދިވެސް 761 ގޯތި ވަނީ ވެރިފަރާތްތަކާ ހަވާލުނުކުރެވެއެވެ.
https://x.com/MHLUDmv/status/1830254414948597907
ހައުސިން މިނިސްޓްރީން ވިދާޅުވީ، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން ބިން ސާފުކޮށް މިނިސްޓްރީއާ ހަވާލުކުރާ ހިސާބުން، ވެރިފަރާތްތަކާ ބިން ހަވާލުކުރުމުގެ މަސައްކަތް ކުރިއަށްދާނެ ކަމަށެވެ.
މި ސްކީމްގެ ދަށުން ގުޅީފަޅާއި، ގިރާވަރުފަޅުން ލިބިފައިވާ ގޯތިތައް ހަވާލުކުރުމަށްޓަކައި ލޭންޑްޔޫޒް ޕުލޭން ރިވިއުކޮށް ހިއްކުމުގެ މަސައްކަތް މިހާރު ކުރަމުންދާ ކަމަށް ވެސް އެ މިނިސްޓްރީން ވަނީ ވިދާޅުވެފައެވެ.
