އަންހެނަކު ރަހީނުކޮށްގެން ވަޅިން ބިރުދައްކައި އޭނާއަށް އަނިޔާކުރި މައްސަލައިގައި ހައްޔަރުކޮށްފައި ހުއްޓާ އަމިއްލައަށް ދަންޖެހުނު އަތުހަރު އައިޖީއެމްއެޗްގެ އައިސީޔޫގައި ފަރުވާ ދެމުން ދަނިކޮށް މަރުވެއްޖެއެވެ.
ފުލުހުން ވިދާޅުވީ، އައިޖީއެމްއެޗްގެ އައިސީޔޫގައި ވެންޓިލޭޓަރުގައި ފަރުވާ ދެމުން އަންނަނިކޮށް މިއަދު ހަވީރު 16:08 ހާއިރު އަތުހަރު މަރުވެފައިވާކަމަށެވެ.
އަދި އޭނާގެ މަރުގެ ޚަބަރު އާއިލާއަށް ދިނުމަށް މަސައްކަތް ކުރަމުން އަންނަކަމުގައިވެސް ފުލުހުން ވިދާޅުވިއެވެ.
މި މަހުގެ 29 ވަނަ ދުވަހުގެ ރޭގެ ވަގުތެއްގައި އަތުހަރުގެ ލޯބިވެރިޔާ ރަހީނުކޮށް ވަޅިން ބިރުދެއްކި މައްސަލައިގައި އޭނާ ހައްޔަރުކުރިއެވެ.
މައުލޫމާތު ލިބޭ ގޮތުގައި ދެމީހުންގެ ދެމެދުގައި މައްސަލަޖެހުނީ، ގޭގެ ކުއްޔާ ގުޅިގެން އުފެދުނު ހަމަނުޖެހުމެއްގައެވެ.
އަތުހަރު އޭނާގެ ޖަލު ގޮޅި ތެރޭގައި ދަންޖެހިފައި ހުއްޓާ ފެނުނީ ރޭގެ ވަގުތެއްގައެވެ. އޭނާ ވަގުތުން ގެންދިޔައީ އައިޖީއެމްއެޗަށެވެ. އޭނާ ހޮސްޕިޓަލަށް ގެންދިޔައިރު، މަރުނުވާ ކަމަށް ފުލުހުން ވިދާޅުވިއެ
ވެ.
