ޒަމާން ބަދަލުވަމުންގޮސް މިހާރު ޖަނަވާރުންވެސް ސޯސަލް މީޑިއާގައި ގިނަ އަދަދެއްގެ ފޮލޮވަރުންނާއި، ފޭނުންނާއި ފައިސާ ލިބުމަކީ އާނމު ކަމަކަށް ވެއްޖެއެވެ. ނާލާ ނަމަކަށް ކިޔާ މި ބުޅަލަކީ މިފަދަ މައްޝޫރު ކަމަކާއި މުއްސަނދިކަމެއް ލިބިފައިވާ ބުޅަލެކެވެ. ނާލާގެ ނެޓް ވޯތުގެ އަގު 100 މިލައަން ޑޮލަރަށް ވުރެ މައްޗަށް އަރައެވެ. ކެޓްސް ޑޮޓް ކޮމް ނަމަކަށް ކިޔާ ވެބްސައިޓަކުން ބުނާގޮތުގައި ނާލާއަކީ މުޅި ދުނިޔެއިންވެސް އެންމެ މުއްސަނދި ބުޅާ ކަމުގައެވެ.
ނާލާއަކީ ސަޔަމީސް ޓެބީ މިކްސް ގެ އާއިލާގެ ބުޅަލެކެވެ. މި ބުޅާ ދިރިއުޅެނީ އެމެރިކާގެ ކެލިފޯނިއާގައެވެ. 2010 ވަނަ ޕޫކީ ނަމަކަށް ކިޔާ މީހެއް ވަނީ ނާލާ އެންމެ 5 މަހުގައި ޖަނަވާރުންނަށް ޚާއްސަ ޝެލްޓާރ އަކުން ނާލާ އެޑޮޕްޓުކޮށްފައެވެ. އަދި 2012 ވަނަ އަހަރުން ފެށިގެން ނާލާގެ ހަރަކާތްތައް ސޯސަލް މީޑިއާގައި ޕޫކީ ގެންދަނީ ހިއްސާކުރަމުންނެވެ. މިގޮތަށް ދަނިކޮށް ފޮލޮވަރުންގެ އަދަދު މަތިވެ މިހާރު 4.5 މިލިއަން ފޮލޮވަރުން މި ބުޅަލަށް ލިބިފައިވެއެވެ. އަދި އެންމެ ގިނަ ފޮލޮވަރުން ހުރި ބުޅަލުގެ މަގާމް ވަނީ ގިނެސް ވޯލްޑް ރެކޯޑްގެ ފަރާތުން މި ބުޅާލަށް އަރުވާފައެވެ.
ނާލާގެ މި މައްޝޫރު ކަމުގެ އެހީގައި އެ ބުޅަލުގެ ނަމުގައި އެތަކެއް މާޗަންޑައިޒެއް ވިކެމުން ދެއެވެ. އަދި ތަފާތު ބްރޭންޑްތަކާއި ހެދޭ އެއްބަސްވުންތަކާއި އެޑުތަކުން އެތަކެއް ފައިސާއެއް މި ބުޅަލަށް ލިބެއެވެ.
ޕޫކީ އިންސްޓަގްރާމް، ޓިކްޓޮކް އަދި ޔޫޓިއުބްގައި މަޖާ އަދި ޝައުގުވެރިވާ ވީޑިއޯތަކެއް ލަމުން ގެންދެއެވެ. މީގެ އިތުރުން ޖަނަވާރުނަށް އެހީތެރިކަން ފޯރުކޮށްދިނުމަށްވެސް މި ޕްލެޓްފޯމްތައް ބޭނުން ކުރެއެވެ.
