ރޭ ދަންވަރު މާލޭ ބޮޑޔތަކުުރުފާނު މަގުގައި ހިނގި އެކްސިޑެންޓެއްގައި އަނިޔާވި ޒުވާނަކަށް ވެންޓިލޭޓަރުގައި ފަރުވާދެމުން އަންނަކަމުގައި އައިޖީއެމްއެޗުން ހާމަކޮށްފިއެވެ.
ފުލުހުން ބުނެފައިވަނީ، މި އެކްސިޑެންޓަކީ ރޭ ދަންވަރު 12:35 ހާއިރު ބޮޑުތަކުރުފާނު މަގާއި ކޮއިމަލާ ހިނގުން ގުޅޭ ކަންމަތީގައި ކާރަކާއި ސައިކަލެއް ޖެހިގެން ހިނގި އެކްސިޑެންޓެއްކަމަށެވެ.
އެގޮތުން މި ހާދިސާގައި ސައިކަލު ދުއްވަން އިން އުމުރުން 21 އަހަރުގެ ދިވެހި ފިރިހެނަކަށް ސީރިޔަސް އަނިޔާތަކެއްވެ ފަރުވާދިނުމަށް އައިޖީއެމްއެޗަށް ގެންދެވުނުކަމުގައި ފުލުހުން ބުނެއެވެ.
އައިޖީއެމްއެޗުން ބުނެފައިވަނީ އެ ޒުވާނާގެ ހާލު އިތުރަށް ގޯސްވެ މިހާރު އެ ހޮސްޕިޓަލުގައި އައިސީޔޫގައި ވެންޓިލޭޓަރުގައި ފަރުވާދެމުން އަންނަ ކަމަށެވެ.
