ޑައިމޯފިން ޓްރެފިކް ކުރުމުގެ މައްސަލައެއްގެ ޝަރީއަތަށް ހާޒިރުކުރަން ބޭނުންވާ މީހެއްގެ ވަނަވަރު އެ އިދާރާއިން އާންކޮށްފިއެވެ.
ކްރިމިނަލްކޯޓުން ބަލަމުން އަންނަ މައްސަލައެއްގެ ޝަރީޢަތަށް ހާޒިރުކުރުމަށް ބޭނުންވެ ހާޒިރުނުވުމުގެ ސަބަބުން ފުލުހުން ހޯދަނީ، ކ. މާލެ، ދަފްތަރު ނަންބަރު ދރ 2840 އުމުރުން 25 އަހަރުގެ މުސްލިމް އަބްދުﷲ ކިޔާ މީހެކެވެ.
ފުލުހުން ކުރި އިއުލާނުގައި ވަނީ، އޭނާ ބަންދުގައި ބަހައްޓައިގެން ކޯޓަށް ހާޒިރުކުރުމަށް ފުލުހުންގެ މައްޗަށް ކްރިމިނަލް ކޯޓުން އަމުރުކޮށްފައިވާކަމަށެވެ.
މުސްލިމް އަބްދުﷲ ހޯދަމުންދަނީ އޭނާގެ މައްޗަށް ހުށަހެޅިފައިވާ ޑައިމޯފިން ޓްރެފިކް ކުރުމުގެ ކުށުގެ މައްސަލައާ ގުޅިގެންނެވެ.
އެގޮތުން ބަންދުގައި ބަހައްޓައިގެން މާދާގެ 08:30 އަށް ކްރިމިނަލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެން މުސްލިމް އަބްދުﷲ އާ ބެހޭ އެއްވެސް މައުލޫމާތެއް ލިބިފައިވާ މީހަކު ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި ހިއްސާކުރުމަށް އެ އިދާރާއިން ވަނީ އެދިފައެވެ.
