މޯލްޑިވްސް އިމިގްރޭޝަންގެ ނަމުގައި ވަޓްސްއެޕް މެދުވެރިކޮށް ފޭކު ވީޑިއޯ ކޯލް ކޮށްގެން ބައެއް މީހުންގެ ފޭސް އައިޑީ ނަގަމުންދާތީ، އެކަމަށް ސަމާލުވުމަށް އެ އިދާރާއިން އިލްތިމާސްކޮށްފިއެވެ.
އިމިގްރޭޝަނުން އެކްސްގައި ކުރި ޕޯސްޓެއްގައި ބުނެފައިވަނީ، ރާއްޖެއިން ބޭރުގެ ނަމްބަރަކުން ވަސްޓްސް އެޕް މެދުވެރިކޮށް އަންނަ މި ކޯލްތަކުގައި ތިބޭ މިހުން ތިބެނީ އިމިގްރޭޝަންގެ ޔުނީފޯމާއި ވައްތަރު ޔުނީފޯމެއްގައިކަމަށާއި އެ ކޯލްތަކުން ބައެއް އާންމު ފަރާތްތަކުގެ ޒާތީ މައުލޫމާތާއި ބޭންކް ކާޑުގެ މައުލޫމާތު ހޯދަމުން އަންނަކަން ފާހަގަކުރެވިފައިވާކަމަށެވެ.
އަދި އެއީ އިމިގްރޭޝަންގެ މުވައްޒަފުން ކުރާ ކޯލްތަކެއް ނޫންކަން ފާހަގަކޮށް އެ އިދާރާއިން ވަނީ، އެފަދަ ކޯލްތަކާއި މެދު ސަމާލުވުމަށް އިލްތިމާސްކޮށްފައެވެ.
https://x.com/ImmigrationMV/status/1833013875832406431
އެގޮތުން މި ސްކޭމް ކޯލްތައް އަންނަނީ ޕާކިސްތާނުގެ ނަމްބަރަކުންކަން ފާހަގަކޮށް އިމިގްރޭޝަނުން ވަނީ އެ ނަމްބަރު ވެސް ހިއްސާކޮށްފައެވެ.
ސްކޭމް ކޯލްތައް އަންނަ ނަމްބަރު:
+923481077883
ދޭތެރެ ދޭތެރެއިން ވަޓްސްއެޕް މެދުވެރިކޮށް ފޭކް ކޯލްތައް އަންނަމުންދާތީ އިމިގްރޭޝަނުން އެކަން ރައްޔިތުންގެ ސަމާލުކަމަށް ގެނެއެވެ.
