ޤާނޫނުތަކަކީ އެކަކު ނުވަތަ ދެމީހަކުގެ މަސްލަތަކަށް ބަލައި އެކަކު ނުވަތަ ދެމީހަކު ރުއްސަން ހެދިފައި ހުންނަ އެއްޗެއް ނޫން ކަމަށް އިމިގްރޭޝަން ކޮންޓްރޯލަރ މުހައްމަދު ޝައްމާން ވަހީދު ވިދާޅުވެއްޖެއެވެ.
އެކްސްގައި ޝައްމާން ކުރެއްވި ޕޯސްޓެއްގައި ވިދާޅުވީ ޤާނޫނުތަކަކީ އެކެއް ނުވަތަ ދެމީހެއް ރުއްސަން ހެދިފައި އޮންނަ އެއްޗެއް ނޫންކަމަށާއި އާންމު ހުރިހާ ފަރުދުންގެ ސަލާމަތާއި ރައްކާތެރިކަމަށްޓަކައި ހެދިފައި ހުންނަ ޤާނޫނުތައް ތަންފީޒުކުރުމުން ހިތްހަމަ ނުޖެހޭ ބަޔަކު އުޅެދާނެކަމަށެވެ.
“ކުރިން ޤާނޫނު ތަންފީޒު ނުކޮށް އޮތުމަކީ މިއަދު ހަމަ އެގޮތަށް އޮންނަން ޖެހޭނެ ހުއްޖަތެއް ނޫންކަން” – ޝައްމާން
މީގެ އިތުރުން ކުރިން ޤާނޫނުތައް ތަންފީޒުނުކޮށް އޮތުމަކީ މިހާރު އެކަން ނުކުރަންވީ ސަބަބެއް ނޫންކަމުގައި ފާހަގަކުރައްވައި ޝައްމާން ވަނީ، އެންމެންގެ ރައްކާތެރިކަމަށްޓަކައި އިމިގްރޭޝަނަށް ޤާނޫނުން މަތިކޮށްފައިވާ ޒިންމާތައް ފުރިހަމައަށް އަދާކުރައްވާނެ ކަމުގައި ޔަޤީންކަން އަރުވައިފިއެވެ.
https://x.com/ShamaanW/status/1833355391268491696
ބިދޭސީންގެ މައްސަލަތައް ހައްލު ކުރަން މި ސަރުކާރު އައި ފަހުން ބޮޑެތި މަސައްކަތްތަކެއް ކުރަމުންދާ މަންޒަރުތައް ފެންނަމުން ދެއެވެ.
އެގޮތުން ޤަވާއިދާ ހިލާފަށް ރާއްޖޭގައި އުޅޭ ބިދޭސީންގެ ތެރެއިން، ފާއިތުވި ހަތް މަސް ތެރޭގައި 2،000 އަށް ވުރެ ގިނަ ބިދޭސީން ވަނީ ޑީޕޯޓުކޮށްލައިފައެވެ.
