އިންޑިޔާގެ ބޮޑު ވަޒީރު ނަރެންދްރަ މޯދީއަށް ފާޑިކީ މައްސަލައިގައި ސަސްޕެންޑްކޮށްފައި ތިބި ޔޫތު މިނިސްޓްރީގެ ދެ ޑެޕިއުޓީ މިނިސްޓަރުން ކަމަށްވާ މަރިޔަމް ޝިއުނާ އާއި މަލްޝާ ޝަރީފް މަގާމުން އިސްތިއުފާ ދެއްވައިފިއެވެ.
އެ ދެ ބޭފުޅުން މަޤާމުން އިސްތިއުފާ ދެއްވީ މޯދީއަށް ބަދުބަސް ބުނި މައްސަލައިގައި 8 މަސްދުވަހު މުސާރަ ހިނގާހެން ސަސްޕެންޝަންގައި ތިއްބެވުމަށްފަހުގައެވެ.
އިންޑިއާގެ ބޮޑުވަޒީރު މޯދީ ލަކްޝަދީޕަށް ކުރެއްވި ދަތުރުފުޅުގައި އެ ސަރަހައްދުގައި ފަތުރުވެރިކަން ކުރިއެރުވުމާ ގުޅޭ ވީޑިއޯ އާންމު ކުރެއްވުމުން އެކަމަށް އަމާޒުވީ ފާޑިކިޔުންތަކުގެ ތެރެއިން ސަރުކާރުގެ އިސް ފަރާތްތަކެއް މޯދީއަށް ފާޑުކިޔުމާއި ގުޅިގެން ތިން ބޭފުޅަކު ސަސްޕެންޑް ކުރިއެވެ.
މި ދެ ބޭފުޅުން މަގާމުން އިސްތިއުފާ ދެއްވިކަން ވަނީ ކަށަވަރުކޮށްދެއްވައިފައެވެ.
