އިއްޔެ އަލިފާނުގެ ހާދިސާ ހިނގި ގެ ތަޅާލުމުގެ މަސައްކަތް ލޯކްލް ގަވަމެންޓް މިނިސްޓްރީން ފަށައިފިއެވެ.
ލޯކްލް ގަވަމެންޓް މިނިސްޓްރީން ބުނެފައިވާ ގޮތުގައި އިއްޔެ އަލިފާނުގެ ހާދިސާ ހިނގި ގާމަގު ކެފޭ ހުރި ހ. ނޫހިމެރިގެ ތަޅައިލުމުގެ މަސައްކަތް އެ ވުޒާރާގެ ޕަބްލިކް ވާކްސް ޑިޕާޓްމެންޓުން ވަނީ މިއަފު ފަށާފައެވެ.
އެ މަސައްކަތް ނިންމޭނެ ވަކި ތާރީހެއް މިނިސްޓްރީން ހާމަކޮށްފައެއް ނުވެއެވެ.
ހެންވޭރު ދޫހިމެރިގޭގައި އަލިފާނުގެ ހާދިސާއެއް ހިނގި ކަން އެމްއެންޑީއެފްގެ ފަޔާ އެންޑް ރެސްކިއު ސާވިސްއަށް އިއްޔެ މެންދުރު 14:47 ހާއިރު ރިޕޯޓްކޮށްފައިވާއިރު، އަލިފާން ކޮންޓްރޯލް ކުރެވުނު އިރު އެގެ ވަނީ ވަރަށް ބޮޑަށް އަނދައިފައެވެ.
މި ހާދިސާއާ ގުޅިގެން 37 މީހަކު ހާލުގައި ޖެހިފައިވާ ކަމަށާއި އޭގެ ތެރޭގައި 22 ދިވެހިންނާއި 15 ބިދޭސީން ހިމެނޭކަމަށް ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)އިން ބުނެފައިވެއެވެ.
އެމީހުންނަށް ބޭނުންވާ އެހީތެރިކަން ފޯރުކޮށްދިނުމަށް އެ އޮތޯރިޓީން މަސައްކަތް ކުރަމުން އަންނަ ކަމަށް ވެސް އެންޑީއެމްއޭއިން ބުނެފައިވެއެވެ.
