ކުޅުދުއްފުށީ ސިޓި ފަޅުތެރޭގައި ޒުވާނަކު މަރުވެފައި އޮއްވައި ފެނިއްޖެއެވެ.
އެގޮތުން މިއަދު ހެނދުނު 8:38ހާއިރު އެރަށު ފަޅު ތެރޭގައި މަރުވެފައި އޮތް ޒުވާނަކު ފެނިގެން އޭނާގެ ހަށިގަނޑު އެރަށު ހުންނަ ރީޖަނަލް ހޮސްޕިޓަލަށް ގެނެވިފައިވާކަމަށް އެ ހޮސްޕިޓަލުން މައުލޫމާތު ދެއެވެ.
މަރުވެފައި އޮއްވައި ފެނުނީ އެ ސިޓީއަށް ނިސްބަތްވާ އުމުރުން 36 އަހަރުގެ ފިރިހެނެކެވެ.
އެއީ ސިޓީ، ޑެއިޒީފެހި ، މުހައްމަދު ހަސަން ނަމަކަށް ކިޔާ މީހެކެވެ.
އެ މައްސަލައާ ގުޅިގެން ފުލުހުން އަންނަނީ ކުޅުދުއްފުށީ ފަޅު ތެރޭގައިއާއި ހޮސްޕިޓަލުގައި ހަރަކާތްތެރިވަމުންނެވެ.
އެ ހާދިސާއާ ގުޅޭ ގޮތުން ސޯޝަލް މީޑިއާގައި ދައުރުވަމުން އަންނަ ފޮޓޯތަކުން ފެންނަނީ ގިނަ ބަޔަކު ވެގެން، ދޯންޏެއް މައްޗަށް އެ މީހާގެ ހަށިގަނޑު އަރުވާ މަންޒަރެވެ.
