ގިނަ އަދަދެއްގެ ބަނގުރަލާއެކު ބިދޭސީއަކު ހައްޔަރުކޮށްފިއެވެ.
ފުޅާ ދާއިރާއެއްގައި ބަނގުރާ ގެންގުޅެ، ވިއްކަމުން ދިޔަ މައްސަލައިގައި ފުލުހުން ހައްޔަރުކޮށްފައިވަނީ ބަންގްލަދޭޝަށް ނިސްބަތްވާ، އުމުރުން 30 އަހަރުގެ ރަސުލް އުފާ ރިދޯއިއެވެެ.
މި މައްސަލައާއި ގުޅިގެން ކްރިމިނަލް ކޯޓުނއ ވަނީ އެ މީހާ 15 ދުވަހަށް ބަދަލުކޮށްފައެވެ.
ޝަރީއަތަށް ފުލުހުން ވަނީ، ސީނަށް ދިޔަ ފުލުހުންގެ ބަޔާނާއި ސީސީޓީވީ ފުޓޭޖުގެ ސްނެޕްޝޮޓްތައް ހިމެނޭ ރިޕޯޓެެއް ހުށަހަޅައިފައެވެ.
އެ ރިޕޯޓުގައި ބުނާގޮތުން މީނާ ހުއްޓުވައި މީނާ ފޭބިކަމަށް ތުހުމަތުކުރެވޭ ކާރު ފުލުހުން ވަނީ ބަލައި ފާސްކޮށްފައެވެ.
އެ ކާރުގެ ތެރެއިން ގިނަ އަދަދެއްގެ ބަނގުރާ ކަމަށް ޝައްކުކުރެވޭ ފުޅިތަކެއް ފެނިފައިވާ ކަމަށް ކޯޓު އަމުރުގައި ބުނެފައިވެއެވެ.
ރަސުލް އުފާ ރިދޯއި އަކީ މީގެކުރިންވެސް ކުށުގެ ރިކޯޑް އޮންނަ ހައްޔަރާއި ބަންދު ލޮގު އޮންނަ ފަރާތެއް ކަމަށް ފުލުހުން ބުނެއެވެ.
