ފެނަކައިގެ އައު ޗެއަރމަނަކަށް އެސްޓީއޯގެ މެނޭޖިންގ ޑިރެކްޓަރ ޝިމާދު އިބްރާހިމް އައްޔަން ކުރައްވައިފިއެވެ.
ފެނަކަ ކޯޕަރޭޝަނުން ވަނީ އެ ކުންފުނީގެ ޗެއާމަނަކަށް ޝިމާދު އައްޔަން ކުރެއްވިކަން އިއުލާނު ކުރައްވައިފައެވެ.
ސަރުކާރުގެ މާލީ ހާލަތު ދައްވެ ޚަރަދުތައް ކުޑަކުރުމަށް ކުރަމުން އަންނަ މަސައްކަތްތަކުގެ ތެރެއިން ބައެއް ކުންފުނިތައް ސަބްސިޑަރީ ކުރުމަށް ވަޒީރުންގެ މަޖިލީހުން ވަނީ ނިންމާފައެވެ.
އެގޮތުން ފެނަކައަކީ އެސްޓީއޯގެ 100 އިންސައްތަ ހިއްސާވާ ކުންފުންޏަކަށް ބަދަލުކުރުމަށް ވަޒީރުންގެ މަޖިލިހުގެ ލަފާފުޅާ އެކުގައި ރައީސް ޑރ. މުހައްމަދު މުއިއްޒު ވަނީ ނިންމަވައިފައެވެ.
މި ނިންމުމާއެކު އެސްޓީއޯގެ ސަބްސިޑިއަރީ ކުންފުންޏަކަށް އަންނަ އަހަރުން ފެށިގެން ފެނަކަ ބަދަލުވެގެން ދާނެއެވެ.
