ހުޅުމާލެ ދެވަނަ ފިޔަވަހީގައި ސިނާއީ މަސައްކަތްކުރާ ސަރަހައްދެެއްގައި ކެރޭނެއް ފުރޮޅައިލައިފިއެވެ.

ވިނަރެސް ފްލެޓާއި އެމްޕީއެލް ފްލެޓާއި ދެމެދު އޮތް ސަރަހައްދެއްގައި ހިނގި މިހާދިސާގައި މީހަކަށް އަނިޔާވެފައި ނުވާކަމަށް ފުލުހުން ބުނެއެވެ.

މިހާދިސާ ހިންގަން މެދުވެރިވި ސީދާ ސަބަބެއް އެނގިފައި ނުވާ ކަމުގައި ވެސް ފުލުހުން ވަނީ ބުނެފައެވެ.

މަންޒަރު ދުށް ބައެއް ފަރާތްތަކުން ބުނާ ގޮތުގައި މި ކެރޭނު ފުރޮޅާލީ އެ ސަރަހައްދުން އެއްޗިހިތަކެއް އުފުލަން އުޅުމުގެ ތެރޭގައެވެ.