އިމިގްރޭޝަންގެ ފަރާތުން ތަން ބަލައި ފާސްކުރުމަށް ކަމަށްބުނެ ވަގު އައިޑެންޓިޓީއަކާއެކު ބިދޭސީން އުޅޭ ތަނަކަށްވަދެ އެމީހުންގެ އަތުން ފައިސާއާއި ފޯނެއް ފޭރިގަތް މައްސަލައިގައި މީހަކު ހައްޔަރުކޮށްފިއެވެ.
އެގޮތުން ބިދޭސީން އުޅޭ ގެޔަކަށް ވަދެ އެތަނުގައި އުޅޭ ބަނގްލަދޭޝް މީހެއްގެ އަތުން ފޯނާއި، 9،000ރ. ފޭރުނު މައްސަލައެއް އިއްޔެ ފުލުހަށް ރިޕޯޓްކޮށްފައިވާކަމަށް އެ އިދާރާއިން ބުނެފައިވާއިރު މި މައްސަލައާ ގުޅިގެން ގ.ބޭރުގެ، އުމުރުން 44 އަހަރުގެ މުހައްމަދު ނަވީން ކޯޓު އަމުރެއްގެ ދަށުން ހައްޔަރުކޮށްފައިވާކަމަށް ފުލުހުން ބުނެއެވެ.
އިމިގްރޭޝަންގެ ނަމުގައިކަމަށް ބުނެ ގެޔަކަށް ވަދެ ފޭރުނު މި މައްސަލަޔާއި ގުޅިގެން ކޮންޓްރޯލާ ޖެނެރަލް އޮފް އިމިގްރޭޝަން މުހައްމަދު ޝައްމާން ވަހީދު ވިދާޅުވީ، އިމިގްރޭޝަންގެ ރެއިޑްތަކުގައި އޮފިސަރުންގެ އިމިގްރޭޝަންގެ އައިޑީ ފެންނާނެ ގޮތަށް ހުންނާނެ ކަމަށެވެ. އަދި މިހާރުގެ އޮޕަރޭޝަންތަކަކީ ޔުނީފޯމް ލައިގެން ކުރިއަށްގެންދާ އޮޕަރޭޝަންތަކެއް ކަމަށްވެސް ޝައްމާން ވިދާޅުވިއެވެ.
ކޮންޓްރޯލާ ޖެނެރަލް އޮފް އިމިގްރޭޝަން މުހައްމަދު ޝައްމާން ވަހީދު ވިދާޅުވީ، އިމިގްރޭޝަންގެ ރެއިޑްތަކުގައި އޮފިސަރުންގެ އިމިގްރޭޝަންގެ އައިޑީ ފެންނާނެ ގޮތަށް ހުންނާނެ ކަމަށެވެ. އަދި މިހާރުގެ އޮޕަރޭޝަންތަކަކީ ޔުނީފޯމް ލައިގެން ކުރިއަށްގެންދާ އޮޕަރޭޝަންތަކެއް ކަމަށްވެސް ޝައްމާން ވިދާޅުވިއެވެ.
