ފެނަކަ ކޯޕަރޭޝަންގެ ޑެޕިއުޓީ މެނޭޖިންގް ޑިރެކްޓަރ އިބްރާހިމް ނާއިފު އެ މަޤާމުން ވަކިކޮށް ވެމްކޯގެ ޑެޕިއުޓީ މެނޭޖިންގް ޑިރެކްޓަރުކަމުގެ މަޤާމަށް ބަދަލުކޮށްފިއެވެ.
ނާއިފް ފެނަކައިން ވަކިކޮށްފައިވަނީ މިދިޔަ އޯގަސްޓްމަހުގެ ތެރޭގައެވެ. އޭނާ މިހާރު ވަނީ ވެމްކޯގެ ޑެޕިއުޓީ މެނޭޖިންގ ޑިރެކްޓަރަކަށް އައްޔަން ކުރައްވާފައެވެ.
ފެނަކައިގެ ޑީއެމްޑީ ކަމުން ނާއިފް އިސްތިއުފާދެއްވިކަން އެނގުނީ މިދިޔަ މަހުގެ 26 ނަމަ ދުވަހު އެ ކުންފުނިން އެކްސްގައި ކުރި ޕޯސްޓެއް މެދުވެރިކޮށެވެ.
https://x.com/WAMCOmv/status/1835932445021229098
ނާއިފް އެ މަޤާމުން ވަކިވުމާއެކު ޑީއެމްޑީގެ މަޤާމަށް އެ ކުންފުނިން ވަނީ ރައްޔިތުންގެ މަޖިލިހުގެ ކުރީގެ މެމްބަރު މުހައްމަދު އަބްދުލްކަރީމް (ރުކުމާ) އައްޔަންކޮށްފައެވެ.
ވެމްކޯއިން މިއަދު އެކްސްގައި ކުރި ޕޯސްޓެއްގައިވަނީ އެ ކުންފުނީގެ ޑީއެމްޑީގެ މަގާމަށް ނާއިފް އައްޔަނުކޮށްފައިވާކަން ހާމަކޮށްފައެވެ.
އެ ކުންފުނިން ކުރި ޕޯސްޓުގައި ނާއިފަށް ވަނީ ހޫނު މަރުޙަބާއެއް ކިޔައިފައެވެ.
ފާއިތުވި ރިޔާސީ އިންތިޚާބުގައި ރައީސް ޑރ މުޙައްމަދު މުޢިއްޒުގެ ކެމްޕެއިންގައިވެސް ފާހަގަކޮށްލެވޭ ނާއިފްއަކީ ވިޔަފާރީގެ ދާއިރާގައިވެސް ފާހަގަކޮށްލެވޭ ބޭފުޅެކެވެ.
