އާންމު މިންގަނޑުތަކާ ޚިލާފަށް ތޮއްޖެހިގެން ބިދޭސީން އުޅެމުން އައި އެކޮމޮޑޭޝަން ބްލޮކެއް ބަލައި ފާސްކޮށް 7 މީހަކު އިމިގްރޭޝަންގެ ބެލުމުގެ ދަށަށް ގެންގޮއްސިއެވެ.
އިމިގްރޭޝަނުން ވިދާޅުވީ، އާންމު ސަލާމަތާއި ރައްކާތެރިކަމަށް ނުރައްކާވާފަދަ ގޮތަކަށް، ތޮއްޖެހިގެން ބިދޭސީން ދިރިއުޅެމުން އަންނަ އެކޮމޮޑޭޝަން ބްލޮކްތައް ބަލައި ފާސްކުރުމަށް ޓާސްކު ފޯސް އިން ހިންގަމުންދާ އޮޕަރޭޝަންގައި މި ހަފްތާގެ ހޯމަ ދުވަހު މާލޭގެ 4 ތަނެއްބަލައި ފާސްކޮށްފައިވާކަމަށެވެ.
https://x.com/ImmigrationMV/status/1836255449022370299?t=0NiHGPn9hiLp28ehxxG9qg&s=19
އެގޮތުން މި އޮޕަރޭޝަންގެ ތެރެއިން، ދެ ގެޔަކާއި ދެ ކެފޭ ބަލައި ފާސްކޮށް 7 މީހުން ހައްޔަރުކޮށްފައިވާކަމަށެވެ.
ރާއްޖޭގައި އިތުރުވެފައިވާ ބިދޭސީންގެ މައްސަލަ ހައްލުކުރުމުގެ ގޮތުން އިމިގްރޭޝަނުން ފުޅާދާއިރާއެއްގައި އޮޕަރޭޝަންތައް ހިންގަމުން އަންނަ އިރު މި އޮޕަރޭޝަންތަކުގައި ގިނަ އަދަދެއްގެ ތަންތަން ބަލައި ފާސްކޮށް، ޤަވާއިދާއި ޚިލާފަށް އުޅޭ ގިނަ ބަޔަކު ވަނީ ފޮނުވައިލައިފައެވެ.
