ސައުދީ ސަރުކާރުގެ އެހީގައި އަޅައިފައިވާ ސަލްމާން މިސްކިތުގައި އަންނަ އަހަރުގެ ކުރީކޮޅު ޤައުމީ އިސްލާމީ ލައިބްރަރީއެއް ހުޅުވުމަށް ނިންމައިފިއެވެ.
މިކަން ހާމަކޮށް ރައީސް އޮފީހުގައި މިހާރު ކުރިއަށްދާ ނޫސްވެރިންގެ ބައްދަލުވުމުގައި އިސްލާމިކް މިނިސްޓަރ ޑރ ޝަހީމް ވިދާޅުވީ، ފާއިތުވި އަހަރުތަކުގައި އިސްލާމީ މަރުކަޒުގައު ހުރި ލައިބްރަރީ ހުރީ ބަންދުކޮށް އެތަނުގައި ހުރި ފޮތްތައް ހުރީ ގުދަންކުރެވިފައިކަމަށެވެ.
އެހެން ނަމަވެސް އެކަން ބަދަލުކޮށް މި ފެށޭ އަހަރުގެ ކުރީކޮޅު ކިންގް ސަލްމާން އިސްލާމީ މަރުކަޒުގައި ޤައުމީ ފެންވަރުގެ އިސްލާމީ ލައިބްރަރީއެއް ޤާއިމްކުރެވިގެން ދާނެ ކަމުގައި ޝަހީމް ވިދާޅުވިއެވެ.
އެގޮތުން އިސްލާމީ ލައިބްރަރީތައް ގާއިމް ކުރުމަކީ ރައީސް ޑރ. މުހައްމަދު މުއިއްޒުގެ އަމާޒެއް ކަމުގައި ފާހަގަކުރައްވައި މިނިސްޓަރު ވިދަޅުވީ، ސަލްމާނު މިސްކިތުގައި ޤާއިމްކުރާ ލައިބްރަރީ ވެގެންދާނީ، ދިރާސާ ކުރާ ފަރާތްތަކަށް ފަސޭހައިން ދިރާސާ ކުރެވޭނެ ގޮތަކަށް ޒަމާނީ ވަސީލަތްތަކާއެކު ޤާއިމްކުރެވޭ މިސްކިތަކަށް ކަމަށެވެ.
އެގޮތުން އަންނަ އަހަރުގެ ކުރީކޮޅުގައި މި ލައިބްރަރީ ޤާއިމްކުރާނެކަން އިއުލާނުކުރައްވައި މިނިސްޓަރ ވަނީ، އެއަށްފަހު ރާއްޖޭގެ އެކި ކަންކޮޅުތަކުގައި ޤާއިމްކޮށްފައިވާ އިސްލާމީ މަރުކަޒު ތަކުގައި ލައިބްރަރީތައް ގާއިމް ކުރަައްވާނެ ކަމަށް ވެސް ވިދާޅުވެފައެވެ.
“މި އަންނަ އަހަރު ނިމޭއިރުގައި މި ހުރިހާ ތަނެއްގައި ލައިބްރަރީ ގާއިމްވެފައި ހުންނާނީ،” – ޝަހީމް
މިހާރު ވެސް އެ ވުޒާރާއިން ދަނީ އޮންލައިން ލައިބްރަރީއެއް ހިންގަމުންނެވެ.
