ޤަވާއިދާއި ޚިލާފަށް އާންމު އިޖުތިމާއި ރައްކާތެރިކަމުގެ މިންގަނޑާއި ޚިލާފަށް ބިދޭސީންދިރިއުޅޭ ތަންތަން ބަލައި ފާސްކުރުމަށް އިމިގްރޭޝަނުން ފެށި ޚާއްސަ އޮޕަރޭޝަންގެ ތެރެއިން އަނެއްކާވެސް 4 ތަނެއް ބަލައި ފާސްކޮށް 16 މީހަކު ހައްޔަރުކޮށްފިއެވެ.
އިމިގްރޭޝަނުން ވިދާޅުވީ،ތޮއްޖެހިގެން ބިދޭސީން ދިރިއުޅެމުން އަންނަ އެކޮމޮޑޭޝަން ބްލޮކްތައް ބަލައި ފާސްކުރުމަށް އިމިގްރޭޝަންގެ ޓާސްކު ފޯހުން ހިންގަމުންދާ އޮޕަރޭޝަންގައި އިއްޔެ މާލޭގެ މާފަންނުގައި ހުންނަ ހަތަރު ގެއެއް ބަލައި ފާސްކޮށްފައިވާ ކަމަށެވެ.
އެގޮތުން ފާސްކުރެވުނު 4 ގޭގެ ތެރެއިން 16 މީހުން ހައްޔަރުކޮށް އިމިގްރޭޝަންގެ ބެލުމުގެ ދަށަށް ގެންދެވިފައިވާކަމަށް އެ އިދާރާއިން ވިދާޅުވީ އިރު، އެ ތަންތަނަކީ ސާފުތާހިރުކަމަށް ބެލުމެއް ނެތި، ވިޔަފާރިއަށް އެކި ބާވަތުގެ ކާބޯތަކެތި ތައްޔާރުކުރަމުންދިއަ ތަންތަން ކަން ފާހަގަކުރެވިފައިވާކަމަށްވެސް އިމިގްރޭޝަނުން ވަނީ ވިދާޅުވެފައެވެ.
ރާއްޖޭގައި ގަވާއިދާއި ހިލާފަށް އުޅޭ ބިދޭސީން ހޯދަން ބޮޑު އޮޕަރޭޝަނެއް ހިންގަން ފެށީ މި ސަރުކާރުންނެވެ.
