ފުލުހުން ބަލަމުން އަންނަ މައްސަލައެއްގެ ތަހުޤީގަށް ހާޒިރުކުރަން ބޭނުންވާ ދެމީހަކު ހޯދުމަށް އެ އިދާރާއިން އިއުލާންކޮށްފިއެވެ.
އެގޮތުން ފުލުހުން ހޯދުމަށް އިއުލާނުކުރި، ށ. ފޯކައިދޫ / ދަންމަރު، އުމުރުން 36 އަހަރުގެ އަޙްމަދު ޒާހިދު، އަދި ސ. ފޭދޫ / އެވަރެސްޓް، އުމުރުން 40 އަހަރުގެ ޙުސައިން ޞާލިޙާއި ދެމީހުންނަކީ، ޑްރަގް އެންފޯސްމަންޓުން ތަހުގީގު ކުރަމުންދާ، މަސްތުވާތަކެތީގެ މައްސަލައެއްގެ ތަހުޤީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީކަމުގައި އެ އިދާރާއިން ވަނީ ބުނެފައެވެ.
ފުލުހުން ވަނީ މި ދެމީހުން 30 ސެޕްޓެމްބަރު ވަނަ ދުވަހުގެ ހެދުނު 10:00ށް ނުވަތަ ވީ އެންމެ އަވަހަކަށް ސާޖަންޓު އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިންގއަށް ހާޒިރުވުމަށް މި ދެމީހުންނަށް އަންގައިފައެވެ.
