ސިނަމާލެ ބްރިޖުން އެއަރޕޯޓަށް ދާ މަގުގައި ހުންނަ ޓްރެފިކް ލައިޓްކައިރީގައި ދެ ސައިކަލެއް ޖެހި އެކްސިޑެންޓެއް ހިންގައި އަންހެނަކަށް އަނިޔާވެއްޖެއެވެ.
ފުލުހުން ވިދާޅުވީ، މި އެކްސިޑެންޓް ހިނގި ކަމުގެ މައުލޫމާތު މިއަދުގެ 12:57 ހާއިރު އެ އިދާރާއަށް ލިބިފައިވާކަމަށާއި އެކްސިޑެންޓްގައި އެއް ސައިކަލު ދުއްވަން އިން އަންހެން މީހާއަށް އަނިޔާވެގެން ފަރުވާދިނުމަށް ހުޅުމާލެ ހޮސްޕިޓަލަށް ގެންގޮސްފައިވާ ކަމަށެވެ.
މި އެކްސިޑެންޓް ހިނގި ދެ ސައިކަލުވެސް ދުއްވަން އިން ދެމީހުންނަކީވެސް ލައިސަންސް އޮންނަ ދެމީހުންކަމަށް ފުލުހުން ވިދާޅުވިއެވެ.
މި މައްސަލަ ފުލުހުން އަންނަނީ އިތުރަށް ބަލަމުންނެވެ.
