ބައިސްކަލެއް ވަގަށް ނެގި މީހެއްގެ މައްޗަށް ތިން މަހުގެ ޖަލު ޙުކުމެއް ކޮށްފި އެވެ.
ކްރިމިނަލް ކޯޓުން މިއަދު ވަނީ މާލެއިން ބައިސްކަލެއް ވަގަށް ނެގުމުގެ ކުށުގައި ކ.ތުލުސްދޫ / އުދުހޭކޮކާ އަބްދުލްމަޖީދު އަބްދުﷲ ގެ މައްޗަށް ތިންއަހަރު ދުވަހަށް ޖަލަށްލުމަށް ހުކުމްކޮށްފައެވެ.
އޭނާގެ މައްޗަށް ޙުކުމްކޮށްފައި ވަނީ 2022 ވަނަ އަހަރުގެ އޮކްޓޯބަރު މަހުގެ 3 ވަނަ ދުވަހު މާލޭ އަމީރުއަހުމަދު މަގުގައި ހުންނަ ކޮމާޝަލް ބެންކުގެ ކުރިމަތީގައި ބަހައްޓާފައި ހުރި ބައިސްކަލެއް ވަގަށް ނެގުމުގެ ކުށުގައެވެ.
ބައިސްކަލު ވަގަށް ނެގިކަމަށް ޝަރީޢަތުގެ މަޖިލީހުގައި އިއުތިރާފުވުމަށްފަހު އަބްދުލްމަޖީދު ބުނީ ބައިސްކަލު ތަޅުނުލާ ހުރުމުގެ ސަބަބުން ބައިސްކަލު ދުއްވާލަން ދެވުނީ ކަމަށެވެ.
ދައުލަތުން ބުނެފައިވާ ގޮތުގައި އަބްދުލްމަޖީދު މައްޗަށް ސާބިތުވެފައިވާ ކުށަކީ ޖުނަހުގެ 1 ވަނަ ދަރަޖައިގެ ކުށެއްކަމަށާއި މިކުށުގެ އަދަބަކީ އަދަބަކީ 4 މަހާއި 24 ދުވަހުގެ މުއްދަތަކަށް ޖަލަށް ލުން ކަމަށެވެ.
އަބްދުލްމަޖީދު އޭނާ ކޮށްފައިވާ ކުށަށް އިއުތިރާފުވުމުން އަސާސީ މިންގަނޑުން 1 ދަރަޖަ ދަށްވެނެ ކަމަށެވެ. އެހެންކަމުން ކްރިމިނަލް ކޯޓުން ވަނީ އޭނާގެ މައްޗަށް 3 މަހާއި 18 ދުވަހުގެ މުއްދަތަކަށް ޖަލަށްލާން ޙުކުމްކޮށްފައެވެ.
