އައްޑޫ ސިޓީ މަރުދޫގައި ހުރި ގެއެއްގެ ގުދަނުގައި އަލިފާނުގެ ހާދިސާއެއް ހިނގައިފިއެވެ،
މި ހާދިސާ ހިނގިކަމުގެ ރިޕޯޓް އެމްއެންޑީއެފަށް ލިބިފައިވަނީ މިއަދު ފަތިހު 5:46 ހާއިރުކަމަށާއި، އެމްއެންޑީއެފް ސަދަން އޭރިއާ، ހިތަދޫ ފަޔާ ސްޓޭޝަންގެ ފަޔަރ ފައިޓަރުން އެ ސަރަހައްދަށް ގޮސް ކުރި މަސައްކަތުން ގަޑި އިރެއްހާއިރު ތެރޭގައި އެ އަލިފާންގަނޑު ނިއްވާލެވިފައިވާކަމަށް އެމްއެންޑީއެފުން ވިދާޅުވެއެވެ.
އެގޮތުން ގޭގައި ވިޔަފާރިކުރުމަށް ހަދާފައިވާ ގާޑިޔަލެއްގެ އިތުރުން އެއާ އިންވެގެން ހުރި ގުދަނެގައި ރޯވި އަލިފާންގަޑު ހެނދުނު 6:45 ހާއިރު އެއްކޮށް ނިއްވާލެވިފައިވާކަމަށް އެމްއެންޑީއެފުން ވަނީ ވިދާޅުވެފައެވެ.
މީގެ އިތުރުން މި އަލިފާނުގެ ހާދިސާގައި އެއްވެސް މީހަކަށް އަނިޔާވެގެން ރިޕޯޓްކޮށްފައި ނުވާކަމަށްވެސް އެ އިދާރާއިން މަޢުލޫމާތު ދެއެވެ.
މި އަލިފާނގަނޑު ރޯވުމަށް މެދުވެރިވި ސީދާ ސަބަބެއް އަދި ސާފެއް ނުވެއެވެ.
