ކުޑަ ކުއްޖަކާ ބެހުނު ކަމުގެ ތުހުމަތުގައި ޝަރީއަތް ނިމެންދެން ބަންދުކޮށްފައި ހުރި މީހަކު ދަންޖެހިގެން މަރުވެއްޖެއެވެ.
އުމުރުން 15 އަހަރުގެ އަންހެންކުއްޖަކާ އެކު ގަދަކަމުން ބަދު އަހުލާގީ އަމަލު ހިންގި ކަމުގެ ތުހުމަތު ޝަރީއަތް ނިމެންދެން ބަންދުކުރުމަށް މިދިޔަ މާޗު މަހު ކޯޓުން ޙުކުމް ކޮށްފައިވާ ގ. އެއްތެޔޮމާގޭ އުމުރުން 62 އަބްދުލް ޣަނީ އިސްމާއީލު ދަންޖެހި މަރުވީ މާފުށީ ޖަލުގައެވެ.
މައުލޫމާތު ލިބޭ ގޮތުގައި އޭނާ މަރުވެފައި އޮއްވައި ފެނުނީ ހެނދުނުގެ ސައި ހިފައިގެން އޭނާ ބަހައްޓައިފައި ހުރި ގޮޅިއަށް ދިޔަ އޮފިސަރަށެވެ.
މިއަދު މަރުވި މީހާއަކީ ކުޑަކުއްޖަކާއި ބެހުމުގެ އިތުރުން މަގުމަތިން އަންހެނަކާއި ފޮށުނު މައްސަލައެއްގައިވެސް ޖަލު ހުކުމެއް އައިސްފައިވާ މީހެކެވެ.
މިކަމާއި ގުޅިގެން ފުލުހުންގެ ބަހެއް އަދި ލިބިފައެއް ނުވެއެވެ.
