ރައީސުލްޖުމްހޫރިއްޔާ ޑރ މުޙައްމަދު މުޢިއްޒު، ފަލަސްޠީނުގެ ރައީސް މަހުމޫދު އައްބާސްއާއި ބައްދަލު ކުރައްވައިފިއެވެ.
އދ. ގެ އާންމު މަޖިލިހުގެ 79 ވަނަ ސެޝަންގައި ބައިވެރިވެވަޑައިގަތުމަށް ރައިސް އެމެރިކާއަށް މިހާރުކުރައްވަމުން ގެންދަވާ ދަތުރުފުޅުގައި ފަލަސްޠީނުގެ ރައީސް މަހުމޫދު އައްބާސްއާއި ބައްދަލުކުރެއްވީ އިއްޔެގެ ވަގުތެއްގައެވެ.
އެގޮތުން މި ބައްދަލުކުރެއްވުމުގައި ދެ ޤައުމުގެ ރައީސުން ވަނީ، އިސްރާއީލުން ފަލަސްތީނުގެ ޣައްޒާގައި ހިންގަމުންގެންދާ ލާއިންސާނީ ޢުދުވާނާއި ގުޅިގެން މަޝްވަރާކުރައްވައިފައެވެ.
އެގޮތުން ރައީސް ވަނީ ދިވެހިން އަބަދުވެސް ފަލަސްޠީނުގެ ރައްޔިތުންނާއެކު ތިބިކަމަށާއި އެ ޤައުމުގެ ރައްޔިތުންނަށް އެހީތެރިވުމުގެ ގޮތުން ކުރަން ޖެހޭ ކޮންމެ ކަމެއް ކުރުމަށް ދިވެހިން އަބަދުވެސް ތައްޔާރަށް ތިބިކަމުގެ ޔަޤީންކަން ފަލަސްޠީނުގެ ރައީސަށް އަރުވައިފައެވެ.
މި ބައްދަލުވުމަށްފަހު ރައީސް ވިދާޅުވީ، ރާއްޖެއަކީ އަބަދުވެސް ފަލަސްތީނާއެކުގައި އޮންނާނެ ޤައުމެއްކަމަށާއި އެ ޤައުމަށް އެހީތެރިވުމަށް ދެވެން އޮތް އެންމެ ވަރުގަދަ އެހީތެރިކަމެއް ދެމުން އަންނަކަމަށެވެ.
ދިވެހިން އަބަދުވެސް ތިބޭނީ ފަލަސްތީނުގެ ރައްޔިތުންނާ އެކު،” ރައީސް
އދ. ގެ އާންމު މަޖިލިހުގެ 79 ވަނަ ސެޝަންގައި ބައިވެރިވެވަޑައިގަތުމަށް އެމެރިކާ އަށް ކުރައްވަމުން ގެންދަވާ ދަތުރުފުޅުގައި “ސަމިޓް އޮފް ދަ ފިއުޗާ” ގައި އެމަނިކުފާނު ވަނީ ފަލަސްތީނުގެ ރައްޔިތުންގެ ޙައްޤުގައި ބަސް އިއްވަވައިފައެވެ.
