މަސްތުވާތަކެއްޗާއި ދެކޮޅަށް ފުލުހުންނާއި ކަމާގުޅުންހުރި އިދާރާތައް ގުޅިގެން ކުރިއަށް ގެންދާ މަސައްކަތުގެ ދަށުން، ރާއްޖެ އެތެރެކުރާ މަސްތުވާތަކެތި އަތުލައިގަނެ އެކަން ހުއްޓުވުމަށް ފުލުހުންގެ ޑޯގް ސްކޮޑް އެއާޕޯޓުގައި ހަރަކާތްތެރިވާން ފަށައިފިއެވެ.
އެގޮތުން މިއީ ފުލުހުންނާއި މޯލްޑިވްސް ކަސްޓަމްސް ސާވިސްގެ އިތުރުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގުޅިގެން މަސްތުވާތަކެތި ހުއްޓުވުމަށް ކުރަމުން ގެންދާ ޚާއްސަ މަސައްކަތްތައް އިތުރަށް ވަރުގަދަކުރުމަށް ފެށުނުކަމެއް ކަމުގައި ފުލުހުން ވިދާޅުވެއެވެ.
https://x.com/PoliceMv/status/1838558914721575217
ވައިގެ މަގުންވެސް މަސްތުވާތަކެތި ރާއްޖެ އެތެރެކުރާ މިންވަރު މި ފަހުން އިތުރުވެފައި ވާއިރު މިފަދަ މައްސަލަތަކުގައި ދިވެހިން ޝާމިލްވާގޮތަށް ބިދޭސީންވެސް އަތުލައިގަންނަމުން އަންނަކަން ފާހަގަކޮށްލެވެއެވެ.
ފުލުހުންގެ ތަފާސްހިސާބުތަކުން ދައްކާ ގޮތުގައި މި އަހަރުގެ މިހާތަނަށް މަސްތުވާތަކެތީގެ 1،201 މައްސަލައެއްގެ ރިޕޯޓު އެ އިދާރާއަށް ލިބިފައިވެއެވެ.
