ދުނިޔޭގެ ކަނޑުތަކުގެ ތިންބައިކުޅަ ދެބައި ހިމާޔަތްކޮށް ބެލެހެއްޓުމަށް އެކުލަވާލާފައިވާ “ހައި ސީސް ޓްރީޓީ” ގައި ރާއްޖެއިން ބައިވެރިވެއްޖެއެވެ.
އދ. ގެ ބެލުމުގެ ދަށުން އެކުލަވާލާފައިވާ “ހައި ސީސް ޓްރީޓީ” ގެ މަޤުސަދަކީ ޤައުމުތަކުގެ ސަރަޙައްދުން ބޭރުގައިވާ ކަނޑުތަކާއި އޭގެ ވަސީލަތްތައް ދެމެހެއްޓެނިވި ގޮތެއްގައި ބޭނުންކުރުމާއި ހިމާޔަތްކުރުމެވެ.
ސަރުކާރުން ހާމަކުރައްވާފައިވާ ގޮތުގައި މި މުޢާހަދާގައި ބައިވެރިވުމަކީ ދުނިޔޭގެ ކަނޑުތަކުގެ ބޮޑުބައެއް ހިމާޔަތްކޮށް ބެލެހެއްޓުމަށް އެޅޭ މުހިންމު ފިޔަވަޅެކެވެ.
ހައި ސީސް ޓްރީޓީގައި ބައިވެރިވުމުން އެމުއާހަދާގެ ސްޓޭޓް ޕާޓީއަކަށް ރާއްޖެ ވެފައިވާއިރު، މި މުޢާހަދާގައި ބައިވެރިވުމަކީ މިހާރު ނިއުޔޯކުގައި ކުރިއަށްދާ އދ. ގެ 79 ވަނަ ޖެނެރަލް އެސެމްބްލީގައި ރާއްޖެއިން ހާސިލުކުރި މުހިންމު ކާމިޔާބީއެއް ކަމުގައި ސަރުކާރުން ބުނެފައިވެއެވެ.
