ކުޑަކުދިންގެ ނޭވާލާ ނިޒާމަށް ޖެހޭ ބައްޔެއްކަމަށްވާ، ރެސްޕިރޭޓަރީ ސިންސިޓިއަލް (އާރްއެސްވީ) ގެ ކޭސްތައް ރާއްޖޭގައި އިތުރުވަމުން އަންނަކަމުގައި ހެލްތް ޕްރޮޓެކްޝަން އެެޖެންސީ (އެޗްޕީއޭ) އިން ވިދާޅުވެއްޖެއެވެ.
އާންމު ރޯގާގެ އަލާމާތަކާއި ގާތްކުރާ އަލާމާތްތައް ފެންނަ މި ބަލި އާންމުކޮށް ތުއްތުކުދިންނަށް ޖެހޭ އިރު، އުމުރުން ދެ އަހަރު ވުމުގެ ކުރިން %100 ކުދިންނަށް މި ރޯނގާ ޖެހެއެވެ.
އެގޮތުން މި ރޯގާއާއި މެދު ސަމާލުވުމަށް އެދި އެޗްޕީއޭއިން އެކްގައި ކުރި ޕޯސްޓެއްގައި ވަނީ، ރެސްޕިރޭޓަރީ ސިންސިޓިއަލް (އާރްއެސްވީ) ގެ ކޭސްތައް ޖެހިގެން ކުޑަކުދިން ރިޕޯޓްކުރާ މިންވަރު އިތުރުވަމުން ދާތީ، އެކަން އެ އޮތޯރިޓީގެ ފަރާތުން ބަލަމުން އަންނަކަމަށެވެ.
އެގޮތުން މި ބަލި ފެތުރުނަ ނުދިނުމުގެ ގޮތުން އަޅަންޖެހޭ މުހިއްމު ފިޔަވަޅުތައް އެޅުމަށް އެ އޮތޯރިޓީން ވަނި އިލްތިމާސްކޮށްފައެވެ.
https://x.com/HPA_MV/status/1838788375777808704
ނޭވާލާ ނިޒާމުގެ ބަލިތައް ފެތުރުނަ ނުދިނުމަށް ގިނަ ގިނައިން އަތްދޮވުމާއި މީހުން ގިނަ ތަންތަނަށް އެއްވެ ނޫޅުންފަދަ ކަންކަމަށް ސަމާލުވުމަށް އެޗްޕީއޭއިން ވަނީ އިލްތިމާސްކޮށްފައެވެ.
ރެސްޕިރޭޓަރީ ސިންސިޓިއަލް (އާރްއެސްވީ) ގެ އަލާމާތްތައް:
ކެއްސާއި ކިނބިހި އެޅުން
ނޭވާލާން އުނދަގޫ ވުން
މޭގައި ރިއްސުން
އެގޮތުން މި ބަލީގެ ކުރީކޮޅުގައި ބަލި ދެނެގަނެވި ފަރުވާކުރެވިއްޖެ ނަމަ ނަތީޖާ ރަނަގޅުވާނެކަން ފާހަގަކޮށް އެ އޮތޯރިޓީން ވަނީ ބަލީގެ އެއްވެސް އަލާމާތެއް ފެނިއްޖެ ނަމަ ލަސްނުކޮށް ޑޮކްޓަރަށް ދެއްކުމަށް އިރުޝާދު ދީފައެވެ.
އާއްމުކޮށް މި ބަލީގެ އިންފެކްޝަން 7-3 ދުވަހަށް ދެމިގެންދާއިރު، ކެއްސާއި، ކިނބިހި އެޅުން ހަފްތާތަކަށް ދެމިގެން ގޮސްދާނެއެވެ.
މި ބަލި ވައިގެ ތެރޭގައި ފެތުރެނީ ކެއްސާއި، ކިނބިހި އަޅާއިރު ބުރައިގެންދާ ތިކިތަކުންނެވެ.
