ޝަރީޢަތަށް ހާޒިރުނުކުރެވިގެން، ބަންދުގައި ބަހައްޓައިގެން ކޯޓަށް ހާޒިރުކުރުމަށް މީހަކު ހޯދުމަށް ފުލުހުން އިއުލާނުކޮށްފިއެވެ.
ބަންދުގައި ބަހައްޓައިގެން ކޯޓަށް ހާޒިރުކުުރުމަށް މިއަދު އިއުލާނުކުރި، ސ. ހިތަދޫ، ދޮންދުބުރިގެ، އުމުރުން 38 އަހަރުގެ މުހައްމަދު އާމިރު ހޯދުމަށް އިއުލާނުކޮށްފައިވަނީ، އޭނާއާއި ދެކޮޅަށް ހުށަހެޅިފައިވާ، ރައްކާތެރިކުރުމުގެ އަމުރާ ހިލާފުވުމުގެ ކުށުގެ ދައުވާއާއި މުދަލަށް ގެއްލުންދިނުމުގެ ކުށުގެ މައްސަލައާ ގުޅިގެން ކޯޓަށް ހާޒިރު ނުކުރެވުމުގެ ސަބަބުން ކަމަށެވެ.
ވުމާއެކު އޭނާ ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ސިވިލްކޯޓުން އަމުރުކޮށްފައިވާކަމަށް އެ އިދާރާއިން ބުނެއެވެ.
އެގޮތުން އޭބާއާއި ބެހޭ އެއްވެސް މައުލޫމާތެއް އެނގޭނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާ ކުރުމަށް ފުލުހުން އެދިފައިވެއެވެ.
