ހުޅުމާލެ އިން ގެއްލިގެން ހޯދަމުންދިޔަ ޤައުމީ ޓީމުގެ ކުރީގެ ޑިފެންޑަރު މުޙައްމަދު ސާއިފު ފެނިއްޖެއެވެ.
ފުލުހުން އެކްސްގައި ކުރި ޕޯސްޓެއްގައި ސާއިފް މާލެއިން ފެނިފައިވާ ކަމަށާއި އޭނާގެ ހާލު ރަނގަޅު ކަމަށް ވިދާޅުވިއެވެ.
މިމައްސަލަ އާއި ގުޅިގެން އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.
ރެއިން ފެށިގެން ހަބަރެއް ނުވުމުގެ ސަބަބުން ފުލުހުން ހޯދަން އިއުލާން ކޮށްފައިވާ ހއ. ހޯރަފުށީ، ހީރާ، މުޙައްމަދު ސާއިފް، 30، އެންމެ ފަހުން ފެނިފައި ވަނީ ރޭ 21:00 ހާއިރު، ހުޅުމާލެ ފޭސް ތިނަކުން ކަމަށް ފުލުހުން ކުރިން ކުރި ޕޯސްޓެއްގައި ބުނެފައިވެއެވެ
ސާއިފު ހޯދުމަށް ފުލުހުން އިއުލާން ކޮށްފައި ވަނީ ރެއިން ފެށިގެން އޭނާގެ ހަބަރެއް ނުވުމާ ގުޅިގެން ކަމަށް ފުލުހުން ކުރިން ވިދާޅުވެފައި ވެއެވެ.
ސާއިފު އަކީ މީގެކުރިން ޤައުމީ ޓީމުގެ ޑިފެންޑަރެއްގެ ގޮތުގައި ކުޅެފައިވާ ފަރާތެކެވެ. ޤައުމީ ޓީމުގެ އިތުރުން ރާއްޖޭގެ އެކި ކްލަބުތަކަކަށް ވެސް ސާއިފު ވަނީ ކުޅެފައެވެ.
