އައްޑޫ ސިޓީގައި މަގުމަތ ހުރި ވެހިކަލްތައް ނަގަން އަންގައިފިއެވެ.
އައްޑޫ ސިޓީ ކައުންސިލުން މިއަދު އާއްމުކޮށްފައިވާ އިއުލާނެއްގައި ބަޔާންކޮށްފައިވާ ގޮތުގައި ހިތަދޫގައި ހިންގާ ސާވިސްގަރާޖްތަކުގެ ކުރިމަތިން މަގުމަތީގައި ޤަވާއިދާ ޚިލާފަށް ގިނަޢަދަދެއްގެ ވެހިކަލްތައް މަރާމާތު ކުރުމަށް ގެންގޮސް ބަހައްޓާފައި ހުރެއެވެ.
އެކައުންސިލުން ބުނެފައިވާ ގޮތުގައި މިގޮތަށް މަގުމައްޗަށް ވެހިކަލްތައް ބަހައްޓައިފައި ހުރުމަކީ މަގުބޭނުންކުރާ ފަރާތްތަކަށް ދަތި އުނދަގޫ ކަމަކަށްވުމުގެ އިތުރުން ނުރައްކާތެރި އެކްސިޑެންޓް ތަކަށް މަގުފަހިވަމުންދާ ކަމެކެވެ. އެހެންކަމުން މިއަދުން ފެށިގެން ކުރިއަށް އޮތް 5 ދުވަސް ތެރޭގައި މި ސަރަހައްދު ތަކުގައި ބަހައްޓާފައިވާ ވެހިކަލްތައް އެތަކެތީގެ ވެރިފަރާތްތަކުން ނެގުމަށް އެކައުންސިލުން ވަނީ އަންގާފައެވެ.
މީގެއިތުރުން މިމުއްދަތުގެ ތެރޭގައި މިތަކެތި ނުނަގައިފި ނަމަ “އާންމު ތަންތަނަށާއި މަގުމައްޗާއި ފަޅުތެރެއަށް ދޫކޮށްފައިވާ ތަކެތި ނެގުމާއިބެހޭ ޤަވާޢިދު” ގައިވާގޮތުގެމަތިން އެތަކެއްޗަކީ ދޫކޮށްލާފައިވާ ތަކެތި ކަމުގައި ކަނޑައަޅައި ފުލުހުންގެ އެހީތެރިކަމާއިއެކު އެސަރަޙައްދުން އެތަކެތިނަގާ ޓޯކުރާނެ ކަމަށް ވެސް އެކައުންސިލުން އާއްމުކޮށްފައިވާ އިއުލާނުގައި ބަޔާންކޮށްފައި ވެއެވެ.
