އަންނަ މަހު އިންޓަނޭޝަނަލް މަނިޓަރީ ފަންޑް (އައިއެމްއެފް) ވަފުދެއް ރާއްޖެ އަންނަ ގޮތަށް ހަމަޖެހިއްޖެއެވެ.
ސަރުކާރުން ހިންގާ “ސަރުކާރު” ނޫހުގައި ޝާއިއުކުރި ހަބަރެއްގައި ފިނޭންސް މިނިސްޓްރީން ހާމަކޮށްފައިވަނީ މި މިޝަންގައި ރާއްޖެ އަށް ޒިޔާރަތް ކުރައްވާ ވަފުދު ދަތުރު ކުރައްވާނީ އަންނަ މަހުގެ 8-16 އާއި ދެމެދު ކަމަށެވެ.
އެގޮތުން މި ދަތުރުގައި އެސްއޯއީތަކާ ގުޅޭ އާ ޤާނޫނެއް ފަރުމާކުރުމަށްޓަކައި، ކުންފުނިތަކުގެ ގަވަނަންސް އާއި ޒިންމާދާރުކުރުމުގެ ނިޒާމާއި އެހެނިހެން ކަންތައްތައް ހަމަޖެހިފައިވާ ގޮތް މިޝަންގެ ބައިވެރިން ބައްލަވާލައްވާނެ ކަމަށް ވެސް އެމިނިސްޓްރީން ބުނެފައިވެއެވެ.
އައިއެމްއެފަކީ އަބަދު ވެސް ރާއްޖެ އަށް އެހީވަމުން އަންނަ އިދާރާއެކެވެ. އަދި ރާއްޖެއިން އަންނަނީ މާލީ އިޤްތިސާދީ ދާއިރާ އިން ހޯދަން ޖެހޭ ފަންނީ ލަފާ އެއިދާރާއިން ހޯދަމުންނެވެ.
