މޯލްޑިވްސް އެއާޕޯޓް ކޮމްޕެނީ ލިމިޓެޑުން ކުރިއަށް ގެންދިޔަ ބޭސިކް ފަޔާ ފައިޓާ ކޯހުގެ 29 ވަނަ ބެޗު ނިންމައިލައިފިއެވެ.
އެމްއޭސީއެލުން ވިދާޅުވީ, ކޯހަކީ މޯލްޑިވްސް ސިވިލް އޭވިއޭޝަން އޮތޯރިޓީން ފާސްކޮށްފައިވާ ބޭސިކް ފަޔާ ފައިޓާ ކޯހެއް ކަމަށާއި މި ކޯހުގައި ވެލެނާ އިންޓަނޭޝަނަލް އެއާޕޯޓް އަދި އެއާޕޯޓް ވަށައިގެންވާ ސަރަހައްދުގެ އިތުރުން މަތިންދާބޯޓުގައި އަލިފާނުގެ ހާދިސާއެއް ހިނގުމުން ކުއްލި ހާލާތްތަކަށް ރައްދުދިނުމަށް ފަޔާ ފައީޓަރުން ތަމްރީނު ކުރެވިގެންދާނެ ކަމަށެވެ.
ޖުމްލަ 12 ބައިވެރިންނާއިއެކު 43 ދުވަހުގެ މުއްދަތައް ކުރިއަށް ގެންގޮސްފައިވާ މިކޯހުން ކުއްލި ހާލަތްތަކާއި ކުރިމަތިލުމުގެ ހުނަރު ލިބިގެންދާނެ ކަމަށް އެމްއޭސީއެލުން ވިދާޅުވިއެވެ.
ފުރަތަމަ ފަހަރަށް އެމްއޭސީއެލްގެ އިންހައުސް ޓްރެއިނާސް ބޭނުންކޮށްގެން މިކޯސް ކުރިއަށް ގެންގޮސްފައިވާއިރު، މިކަމުން ކުންފުނީގެ އިންހައުސް ޓްރެއިނާސްގެ ގާބިލުކަން އިތުރުވެފައިވާ މިންވަރު ދައްކުވައިދިނުމުގެ އިތުރުން އެކުންފުނިން ދިވެހިރާއްޖޭގެ ޓެކްޓިނަކަލް ދާއިރާތަކުގައި މީހުން ބިނާކުރުމަށް ދޭ އަހަމިއްޔަތުކަން ދައްކުވައިދޭކަމަށް ވެސް އެމްއޭސީއެލުން ވިދާޅުވެއެވެ.
މިކޯސް ނިންމާލުމުގެ ރަސްމިއްޔާތުގައި ވާހަކަ ދައްކަވަމުން އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރ މުޙައްމަދު ލަމްޢާން ވިދާޅުވީ މިކޯސް ފުރިހަމަކަމާއިއެކު ނިމިގެން ދިއުމުން އެނގިގެންދަނީ އެމްއޭސީއެލްގެ އިންހައުސް ޓްރެއިނިންގެ ނިޒާމުގެ ހަރަދަނާކަން ކަމަށެވެ. އަދި ދެމެހެއްޓެނިވި ގޮތެއްގައި މުވައްޒަފުންނަށް ދޭންޖެހޭ ތަމްރީނުތައް ފޯރު ކޮށްދިނުމަށް ކުންފުނީގެ މެނޭޖްމަންޓުން މަސައްކަތް ކުރާނެ ކަމަށްވެސް ލަމްޢާން ވިދާޅުވިއެވެ.
އެމްއޭސީއެލްގެ ލާނިން އެންޑް ޑިވެލޮޕްމެންޓު ޔުނިޓުން ރާއްޖޭގެ އޭވިއޭޝަން ދާއިރާގެ އިތުރުން ދާއިރާގެ އިތުރުން މަސައްކަތްތެރިކަމުގެ ދާއިރާއިން ގިނަ ތަމްރީނުތަކެއް ފޯރުކޮށްދެއެވެ.
މިއަހަރުގެ ޖޫން މަހު ޒަމާނީ ޓެކްނިލޮޖީތަކުން ތައްޔާރުކޮށްފައިވާ އާ ފަޔާ ސްޓޭޝަނެއް އިފްތިތާހުކޮށް، ކުއްލި ހާލަތުގައި އަވަސް ރައްދު ދިނުމުގެ ގާބިލްކަން އިތުރުކޮށްފައިވާ ކަމަށާއި ވީއައިއޭގެ ސަލާމަތާއި ރައްކާތެރިކަން ކަށަވަރުކޮށް ފަސިންޖަރުންނަށް ޒަމާނީ ހިދުމަތްތައް ފޯރުކޮށްދިނުމަށް އެމްއޭސީއެލުން މަސައްކަތްކުރާ ކަމަށް އެކުންފުނިން ވިދާޅުވެއެވެ.
