ދިވެހި ފުލުހަކު ފުރަތަމަ ފަހަރަށް އިންޓަޕޯލް އީ-އެވިޑެންސް ފަސްޓް ރެސްޕޮންޑާސް ޓްރެއިނިން ޕްރޮގްރާމްގައި ކިޔަވައިދީފިއެވެ.
ފިލިޕީންސްގައި މިހާރު ކުރިއަށްދާ އެޓްރެއިނިންގައި ކިޔަވައި ދެއްވީ އެންޓި-ސްކޭމް ރެޕިޑް ރެސްޕޮންސްގެ، އިންސްޕެކްޓަ އޮފް ޕޮލިސް އާދަމް ނަވީދެވެ.
ނަވީދު ވަނީ މިޓްރެއިނިންގައި ދެ މޮޑިއުލްއެއް ކިޔަވައި ދެއްވައިފައެވެ. އެއީ “ކަލެކްޓިން އިލެކްޓްރޯނިކް އެވިޑެންސް” އާއި “އިންޓަވިއު އެންޑް ޑޮކިއުމެންޓޭޝަން” މޮޑިއުލްއެވެ.
މިމަހުގެ މި މަހުގެ 23 ން 27 ށް ކުރިއަށް ގެންދާ އިންޓަޕޯލް އީ – އެވިޑެންސް ފަސްޓް ރެސްޕޮންޑަރސް ޓްރެއިނިންގގައި، ސައިބަރ ކްރައިމްގެ މައްސަލަތައް ބަލާ ޕްރޮސެކިއުޓަރުންނާއި ނެޝަނަލް ބިއުރޯ އޮފް އިންވެސްޓިގޭޝަނުގެ މެމްބަރުންގެ އިތުރުން ފިލިޕީންސްގެ ފުލުހުން ވެސް ބައިވެރިވާނެއެވެ. އަދި ފިލިޕީންސް ފުލުހުންގެ ތެރޭގައި އެ ގައުމުގެ ރީޖަނަލް ސައިބަ ކްރައިމް ޔުނިޓާއި، ވިމެން އެންޑް ޗިލްޑްރެންސް ޕްރޮޓެކްޝަން ޑެސްކާއި ސައިބަ ކްރައިމްގެ މައްސަލަތައް ތަހުގީގުކުރާ ފުލުހުން ބައިވެރިވާނެއެވެ.
