މިހާރު ރާއްޖެއަށް ކުރަމުން ދާ ހުޅުަނގު މޫސުމުގެ ވިއްސާރައިގައި ރާއްޖޭގެ މޫސުން ރަނގަޅު ނުވެ، މޫސުމާއި ބެހޭ ޤައުމީ އިދާރާއިން ނެރެމުން އަންނަ ހުދު ސަމާލުގެ ވަގުތު އަނެއްކާވެސް ދަންމާލައިފިއެވެ.
މިރޭގެ 12:00އި ހަމަ އަށް ދަންމާލި ހުދު ސަމާލު ނެރެފައިވަނީ ހއ. އަތޮޅުން ފެށިގެން މ. އަތޮޅާއި ދެމެދުގެ ސަރަހައްދުތަކަށެވެ.
މޫސުމާއި ބެހޭ އިދާރާއިން ހާމަކުރާ ގޮތުގައި ހުދު ސަމާލުގެ ވަގުތުތަކުގައި ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި ވިލާގަނޑުގައި ގަޑިއަކު 40 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ.
ސްކޫލު ބަންދު ދުވަސްވަރާއި ދިމާކޮށް މޫސުން ގޯސްވެފައި ވީނަމަވެސް މާދަމާއިން ފެށިގެން ވިއްސާރަ އަލިވެ މޫސުން ރަނގަޅުވާނެކަމަށް އެ އިދާރާއިން މައުލޫމާތު ދެއެވެ.
މޫސުން ގޯސް ދުވަސް ވަރު ވިއްސާރަވެ ފެންބޮޑުވެގެން ލިބިދޭަނެ ގެއްލުން ތަކަށާއި ކަނޑުގަދަ ވަގުތުތަކުގެ ކަނޑުދަތުުރުކޮށްގެން ހިނގައިފާނެ ކަނޑުމަތީގެ ހާދިސާތަކަށް ރައްކާތެރިވުމަށް މޫސުމާއި ބެހޭ ޤައުމި އިދާރާއިން އަބަދުވެސް އިލްތިމާސްކުރެއެވެ.
ވިއްސާރަވެ ބޯކޮށް ވާރޭ ވެހުމުގެ ސަބަބުން މިއަދުވެސް މާލޭގައި ފެންބޮޑުވެ ފެން ހިއްކުމުގެ މަސައްކަތަށް ސިފައިން ވަނީ ނިކުމެފައެވެ.
