ވައްކަމުގެ ރެކޯޑްތަކެއް އޮންނަ އަންހެނަކު ފޭރުމުގެ މައްސަލައެއްގައި ހައްޔަރުކޮށްފިއެވެ.
ހުއްދަ ނެތި ތަނަކަށް ވަދެ ފޭރުނު މައްސަލައެއްގައި ފުލުހުން ހައްޔަރުކޮށްފައި ވަނީ ހ. ޗިކްކާކޭލް، އުމުރުން 41 އަހަރުގެ ފާތުމަތު އިޝާމާއެވެ. އިޝާމާ އަކީ މީގެ ކުރިން ވެސް ވައްކަމުގެ ރިކޯޑު އޮންނަ މީހެކެވެ.
މިމައްސަލައިގައި އިޝާމާގެ ބަންދާއިމެދު ގޮތެއް ކަނޑައެޅުމަށް އޭނާ ކޯޓަށް ހާޒިރު ކުރުމުން ކްރިމިނަލް ކޯޓުން ވަނީ އޭނާގެ ބަންދަށް 7 ދުވަސް ޖަހާފައެވެ.
އިޝާމާގެ ބަންދު އަމަރުގައި ބަޔާންކޮށްފައިވާ ގޮތުގައި އޭނާ ވަނީ ތޫނު އެއްޗެހި ގެންގުޅެ، ފޭރެމުގައި އަނިޔާވެރިކަން އިސްކޮށްފައެވެ. އަދި އޭނާ ދޫކޮށްލައިފިނަމަ މުޖުތަމައުގެ ސަލާމަތަށް ނުރައްކާވެދާނެ ކަމަށް ކްރިމިނަލް ކޯޓުން ބުނެފައިވެއެވެ.
ފަހަކަށް މާލޭގައި ވައްކަމާއި ފޭރުމުގެ މައްސަލަތަކުގައި އަންހެނުން ޝާމިލުވެގެން މިފަދަ އަމަލުތައް ހިނގުން ވަނީ ގިނަވެފައެވެ.
