އަހަރީ ބޯނަހުގެ ގޮތުގައި މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ މުވައްޒަފުންނަށް 25،000ރ ޖަމާކުރަން ފަށައިފިއެވެ.
އެމްއޭސީއެލުން ވަނީ ފާއިތުވި ތިން އަހަރުވެސް އެކުންފުނީގެ މުވައްޒަފުންނަށް ހަމަހަމަ އުސޫލުން އަހަރީ ބޮނަހުގެ ގޮތުގައި ކޮންމެ މުވައްޒަފަކަށް ވެސް 25000ރ ޖަމާކޮށްދީފައެވެ.
އަހަރީ ބޯނަސް ދިނުމުގައި އެކުންފުނިން ބަލަނީ އަހަރުގެ ހަ މަސް ދުވަހަށް ވުރެ ގިނަ ދުވަހު ވަޒީފާ އަދާކުރި މުވައްޒަފުންނަށާއި، ހަ މަސް ދުވަހު ވަޒީފާގައި އުޅުމަށް ފަހު، ކެނޑުނު މުވައްޒަފުންނަށް މަސައްކަތްކުރި ދުވަހުގެ މުއްދަތަށް ބަލައިގެންނެވެ. އެހެންނަމަވެސް އަޙުލާޤީ މައްސަލައެއްގައި އެ މުއްދަތުގައި ވަޒީފާއިން ވަކިކޮށްފައިވާ ނަމަ އެފަދަ މުވައްޒަފުންނަށް ބޯނަހެއް ނުލިބެއެވެ.
އެމްއޭސީއެލް ފާހަގަކުރެވެނީ ސަރުކާރު ކުންފުނިތަކުގެ ތެރެއިން އެންމެ ބޮޑު އާމްދަނީއެއް ހޯދާ ކުންފުނީގެ އިތުރުން މުވައްޒަފުންގެ ކުރިއެރުމަށާއި ކުންފުނީގެ ކުރިއެރުމަށް ވެސް ގިނަ ގުނަ މަސައްކަތްތަކެއް ކުރާ ކުންފުންޏެއްގެ ގޮތުގައެވެ.
