ފުޅާ ދާއިރާއެއްގައި ކަޅު ބާޒާރުގައި ޑޮލަރު ވިއްކި މައްސަލައިގައި ހައްޔަރުކުރި ބިދޭސީންތަކެއް ޑީޕީޓްކޮށްފިއެވެ.
އިމިގްރޭޝަނުން ހާމަކޮށްފައިވާ ގޮތުގައި ކަޅު ބާޒާރުގައި ޑޮލަރު ވިއްކި މައްސަލައިގައި ހައްޔަރުކުރި ފަސް މީހެއްގެ ތެރެއިން ދެ މީހަކު ވަނީ މިހާރު ޑީޕޯޓް ކޮށްލާފައެވެ.
އިމިގްރޭޝަންގެ ބެލުމުގެ ދަށަށް މިމީހުން ގެނެސްފައި ވަނީ މި މަހުގެ 5 ވަނަ ދުވަހުއެވެ.
އިމިގްރޭޝަނުން ބުނެފައިވާ ގޮތުގައި އެމީހުން ހައްޔަރުކުރަން ބަލައި ފާސް ކުރި އިރު އެމީހުންގެ އަތުން ގިނަ އަދަދެއްގެ ފައިސާ އަދި ޑެބިޓް/ކްރެޑިޓް ކާޑު ވަނީ ފެނިފައެވެ.
މިމައްސަލައިގައި ހައްޔަރުކޮށްފައިވާ މީހުންގެ ނިސްބަތް ވަނީ ކޮން ޤައުމަކަށް ކަން އިމިގްރޭޝަނުން ހާމަކޮށްފައި ނުވާއިރު، މިމައްސަލަ އާއި ގުޅިގެން ހައްޔަރުކޮށްފައިވާ އަނެއް ތިން މީހުންނާއި ގުޅޭ އެއްވެސް މައުލޫމާތެއް ވެސް އިދާރާއިން ހާމަކޮށްފައެއް ނުވެއެވެ.
