ސަރުކާރުގެ މަސްކުންފުނި، މިފްކޯއަށް މަސްވެރިން ކިރާ މަހަށް ދޭންޖެހޭ ހުރިހާ ފައިސާއެއް ސަރުކާރުން މަސްވެރިންނަށްދީ ޚާލަސްކޮށްފިއެވެ.
އެގޮތުން މިއަހަރުގެ އޯގަސްޓްމަހުގެ 24 ވަނަ ދުވަހުން ފެށިގެން މި މަހުގެ 25 ވަނަ ދުވަހުގެ ނިޔަލަށް މިފްކޯއަށް ޖުމުލަ 17,350,903 ރުފިޔާގެ މަސްކިރައިފައިވާއިރު، އެ ހުރިހާ ފައިސާއެއްވެސް އިއްޔެގެ ނިޔަލަށް މަސްވެރިންނަށް ޖަމާކޮށް ނިންމާފައިވާކަމަށް މިފްކޯއިން ބުނެއެވެ.
އެގޮތުން އެ ކުންފުނިން ވަނީ، ސަރުކާރުން އެ ކުންފުންޏަށް ދެމުން އަންނަ އެއްބާރުލުމަށް ޝުކުރު އަދާކޮށްފައެވެ.
މަސްވެރިން ބާނާ މަހަށް ބަރާބަރަށް ފައިސާ ދިނުމަށް ސަރުކާރުން ދަނީ މަސައްކަތްތަކެއް ކުރަމުން އަންނަ އިރު، ރައީސް ޑރ. މުހައްމަދު މުއިއްޒުގެ ރިޔާސީ އެންމެ ބޮޑު އެއް ވައުދަކީ މަސްވެރިން މަސް ކިރާތާ 48 ގަޑިއިރުގެ ތެރޭގައި ފައިސާ ދިނުމެވެ.
